1 SAMUEL 9:9 - BIBEL JAMITA NA DENGGAN

⁹ Najolo, muda adong sian tonga-tonga ni bangso Israel na giot manyapai hasurirangon ni Tuhan, dohononnia ma songon on, “Beta ma hita tu pangaligi,” harana di hatiha i pangaligi do digoari panurirang.)

1 SAMUEL 9:9 ပူးပေါင်းရင်းမြစ်များ

PAMUNGKAAN 25:22

Linduat do na di pamatangnia i. Jadi dompak so sorang dope dakdanak i, marsiranggut do halahi na dua di bortian. Ninna si Ribka ma, “Muda songon i, biasi luai mangolu au?” Jadi diparsapahon ia ma i tu Tuhan.

2 SAMUEL 24:11

Ancogotna i, dung ngot si Daud sian podomanna, didok Tuhan ma tu Panurirang Gad na gabe parsambungan ni si Daud tu Tuhan,

2 RAJA-RAJA 17:13

Tu halak Israel dohot Juda, disuru Tuhan do angka utusan dohot angka panurirangNia laho palaluhon tona on, “Antak hamu ma na mambaen na jahat jana burju ma oloi hamu parenta dohot uhum na Hulehen tu ompumunu jana na Hupalalu tu hamu markite angka panurirang naposongKi.”

1 JUJUR TAON 21:9

Didok Tuhan ma tu Panurirang Gad, i ma panuturi ni si Daud sandiri,

1 JUJUR TAON 26:28

Pendekna, anggo si Selomit dohot halahi na sahorong martanggung jawab ma di sude na dung dipasahat baen sipakeon lumobi di Bagas Ni Debata, masuk ma disi angka haul na dipasahat sian si Samuel na nilehen ni Raja Saul, si Abner anak ni si Ner dohot na nilehen ni si Joab anak ni si Zeruya, tanggung jawab ni si Selomit ma sudena i dohot kahanggina.

1 JUJUR TAON 29:29

Taringot tu riwayat ni ngolu ni Raja Daud sian mulana lopus tu ujungna madung disuratkon i di Buku Sejarah Ni Panurirang Samuel, Panurirang Natan dohot Panurirang Gad.

1 JUJUR TAON 9:22

Adong do 212 halak bahatna na nipili laho manjagoi angka pintu horbangan. Mangihutkon parjojor ni huta ni halahi do tarsurat goar ni halahi. Na nilehen ni Raja Daud dohot Panurirang Samuel do jabatan i tu angka ompu ni halahi.

2 JUJUR TAON 16:10

Songon i noma murukna si Asa umbege pandohan ni Panurirang Hanani i jadi gabe dipamasuk ia ma panurirang i tu hurungan. Di hatiha i laing dipisat si Asa do sanga na piga halak sian rayatnia i.

2 JUJUR TAON 16:7

Di hatiha i, ro ma Panurirang Hanani mandapotkon Raja Asa jana didok ia ma, “Dibaen na marpangunsandean tu raja ni Siria do ho, jana nada tu Tuhan Debatamu, jadi mago ma hatiha hadenggananna di ho laho manaluhon tentara ni Siria.

JESAYA 29:10

Dibaen Tuhan hamu mondohondok jana tarpodom sinok. Simalolongmu – i ma angka panurirang – madung dipapimpit Ia; jana bohimu – i ma angka partondung – madung dihungkupi Ia.

JESAYA 30:10

Didok halahi do tu angka panurirang, “Pasip! Ulang paboa tu hami na tutu. Na tabo begeonnami ma dok. Padiar ma hami marangan-angan.

AMOS 7:12

Dung i didok si Amasia ma tu si Amos, “Mulak ma ho panurirang tu Juda! Disi ma ho marjamita. Halahi ma mangalehen balanjomu!

1 KORINTUS 12:17

Sugari antong, hum mata sajo sude pamatang i, bia ma baenon ni pamatang i manangihon? Sanga sugari sude pamatang i gabe pinggol sajo, bia ma baenon ni pamatang i manganggo?

HAKIM-HAKIM 1:1

Dung marujung ngolu ni si Josua, marsapa ma halak Israel tu Tuhan, “Tuhan, marga dia do sian hami na parjolo angkon mamorangi halak Kanaan?”

HAKIM-HAKIM 18:5

Jadi didok halahi ma tusia, “Antong anggo songon i, tolong ma jolo sapai tu Debata sanga na marhasil do langkanami on sanga nada.”

1 SAMUEL 9:10

“Denggan ma i na nidokmi!” ning si Saul mangalusi hatobanna i. “Beta ma hita kehe!” Dung i kehe ma halahi tu inganan ni naposo ni Tuhan i.