1 SAMUEL 9:7 - BIBEL JAMITA NA DENGGAN

⁷ Didok si Saul ma, “Muda kehe hita tusi, aha ma silehenonta disia? Bohal na taoban madung abis, jana na so adong do bagi ahanta silehenon di ibana.”

1 SAMUEL 9:7 ပူးပေါင်းရင်းမြစ်များ

1 RAJA-RAJA 13:7

Dung i didok raja i ma tu panurirang i, “Beta ma mangan tu bagasku hita. Giot lehenonku di ho silua upa ni haburjuonmu.”

1 RAJA-RAJA 14:3

Oban ma disia sampulu kamata roti, kue saotik dohot aer ni loba sabotol. Sapai ma jolo tusia sanga aha do na giot masa tu si Abia anakta i, jana paboaonnia do i tu ho.”

2 RAJA-RAJA 4:42

Dung salpu i, ro ma sahalak sian Baal-Salisa. Diboan ia ma tu si Elisa dua pulu roti na dipature sian gandum patumona ni na nikarejohon, dohot saotik gandum na baru disabi di bagasan hadangan. Dung i didok si Elisa ma, “Lehen ma i tu halak na bahat on, anso mangan halahi.”

2 RAJA-RAJA 5:15

Kehe ma ia rap dohot dongannia sauduran i mangulahi mandapotkon si Elisa jana didok ia ma, “Saonnari huboto ma, hum sada do Debata di na satano on sude, i ma Debata na nisomba ni halak Israel; hara ni i, sai jop ma roha ni tuan i manjagit silehen-lehenkon.”

2 RAJA-RAJA 5:5

Jadi didok raja i ma, “Denggan, kehe ma ho manopot raja ni Israel. Hubaen pe surat tusia.” Jadi kehe ma si Naaman, dioban ia ma tolu pulu ribu hepeng perak, onom ribu hepeng sere, dohot pakean na jeges-jeges sampulu pasang.

2 RAJA-RAJA 8:8

didok raja i ma tu si Hasael sahalak sian pagawenia, “Oban silua tu panurirang i, jana pangido ma anso disapai ia tu Tuhan betak na malum dope au sanga nada.”

2 RAJA-RAJA 8:9

Dibuat si Hasael ma opat pulu unto, dibobani ia ma i dohot sude ragam ni pansamotan ni Damaskus, dung i kehe ma ia mandapotkon si Elisa. Dung lalu ia di inganan ni si Elisa i didok si Hasael ma, “Raja Benhadad naposomi do marsuru au tuson laho manyapai betak na malum dope ia sanga nada.”

JEHESKIEL 13:19

Dipalayas hamu do Au di adopan ni bangsongKu hum anso dapotan hamu sanjomput bajaure dohot roti piga-piga ponggol. Angka halak na so marsala dibunui hamu, hape anggo halak na patut mate, dipadiar hamu mangolu. Anso tarbaen hamu na songon i, digabusi hamu ma bangsongKi jana porsaya ma halahi tu hamu.’ ”

HAKIM-HAKIM 6:18

Pangidoanku, sobar ma jolo Tuhan dison lopus huparade sipanganon di Tuhan.” “Denggan,” ninna Tuhan, “Hupainte pe lopus mulak ho.”