1 SAMUEL 9:3 - BIBEL JAMITA NA DENGGAN

³ Sanoli mago ma da sanga na piga halode ni si Kis. Jadi gabe didok si Kis ma tu si Saul, “Oban ma sahalak hatoban i jana jalahi ma angka halode i.”

1 SAMUEL 9:3 ပူးပေါင်းရင်းမြစ်များ

HAKIM-HAKIM 10:4

Anaknia halaklahi adong do tolu pulu halak. Adong do tolu pulu halode tunggang ni halahi dohot tolu pulu huta di Luat Gilead. Digoari dope angka huta i, huta-huta ni si Jair.

HAKIM-HAKIM 5:10

O hamu na mangalombut halode na bontar, hamu muse na juguk di ginjang ni ambal, dohot hamu sude na mardalan pat, pajojor hamu ma barita hamonangan on, da.

1 SAMUEL 10:14

Diida tulang ni si Saul ma ia dohot pangoloinia i lalu disapai ma halahi, “Na sian dia dehe hamu?” Dialusi si Saul ma, “Manjalahi halode na mago i do hami, jadi dung nada dapot hami be, kehe ma hami mandapotkon si Samuel.”

1 SAMUEL 10:2

Dung kehe ho manadingkon au di ari sadari on, marsuo ma ho dohot dua halak bayo di lambung kuburan ni si Rahel di Zelsah na di Luat Benyamin. Pabotohonon ni halahi ma tu ho, “Ma dapot angka halode na nijalahanmi. Nada sak be roha ni amangmu saonnari taringot tu angka pahan-pahanan i, tapi sai dipupu ia ma mambaen nasa na tarbaen ia anso dapot ho.”

1 SAMUEL 9:2

Adong do anak ni si Kis, goarna si Saul doli-doli na jogi jana na tongam. Nada adong sahalak pe di sandok Israel na jumogi sian ia. Laing na ginjang muse antong ia, olat ni abarania do pardosdosan ni halak Israel.

1 SAMUEL 9:20

Anggo taringot tu angka halode na mago i tolu ari na salpu, ulang pola sak rohamunu, harana madung dapot i. Boti muse, na ummarga di sude Israel, i do na giot lehenon tu ho dohot tu koum ni amanta.”

1 SAMUEL 9:4

Jadi didalani si Saul ma dohot pangoloi i partoran Efraim dohot tano Salisa, tapi nada padumpang dohot halode i. Dung i dipatorus halahi ma mardalan tu tano Sahalim, tapi nada adong muse disi halode i. Dijalahi halahi muse do di luat ni Benyamin, tapi nada padumpang.