1 SAMUEL 8:8 - BIBEL JAMITA NA DENGGAN

⁸ Mamungka sian na Huoban halahi sian Mesir sai na marbalik do halahi sian Au jana marsomba tu angka debata na asing, jana na nibaen ni halahi saonnari tu ho, i ma na nibaen ni halahi tu Au.

1 SAMUEL 8:8 ပူးပေါင်းရင်းမြစ်များ

MASMUR 78:8

Anso ulang halahi songon ompuna, na sai mangalo jana manggaga. Sai na ganggu do haporsayaan ni sundut ni halahi nada setia tu Debata halahi.

HARURUAR 16:3

Ninna halahi ma, “Dumenggan ma sugari di tano Mesir hami dibunu Tuhan. Na ummotikna ma disi tarbaen hami juguk jana mangan juhut dohot na asing lopus puas. Hape dioban ho do hami tuson anso mate tangkuraparon hami sude.”

HARURUAR 17:2

Dung i marungut-ungut ma halahi tu si Musa, ninna ma, “Lehen di hami aek inumon.” Dialusi si Musa ma, “Biasi marungut-ungut jana diuji hamu Tuhan?”

HARURUAR 32:1

Dung diida bangso i laing na so manuat si Musa sian dolok i, gabe marlagut ma halahi mangarongomi si Harun jana didok halahi ma tusia, “Nada hami paboto-boto be da na masa tu si Musa i na manogu hita ruar sian Mesir; saonnari baen ma di hami debata laho mangiring hami.”

JEREMIA 34:14

Hudok do disi, angkon paluaon do di taon papituhon sandok hatoban sian halak Ibrani na dung mangoloi gok onom taon. Tapi nada ra ompumunu i mamparrohahon sanga manangihon sanga aha na Hudokkon i.

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

BILANGAN 16:41

Ancogotna i, marungut-ungut ma sude halahi tu si Musa dohot tu si Harun. Ninna halahi ma, “Madung dibunu hamu deba sian halak ni Tuhan i.”

PANGARATAION 9:24

Sian dung hutanda hamu, sai matua na mangalo do hamu tu Tuhan.

HAKIM-HAKIM 13:1

Mardosa ma mangulahi halak Israel tu Tuhan, jadi gabe dipadiar Tuhan ma halak Pilistin markuaso tu halahi opat pulu taon honokna.

HAKIM-HAKIM 2:20

Patunda ni i gabe sun ma muruk ni Tuhan tu Israel, jana didok ma, “Madung Huparentahon tu angka ompung ni bangso on anso ditiopsa parjanjian antara Au dohot halahi. Hape digotapkon bangso on do pudun-pudun ni janji i; dilanggar halahi do parentangKu.

HAKIM-HAKIM 4:1

Dung mate si Ehud, mardosa ma mangulahi bangso Israel tu Tuhan.

HAKIM-HAKIM 6:1

Mardosa sanoli nari halak Israel tu Tuhan, jadi gabe dipadiar Ia ma bangso Midian mangarajai halahi pitu taon honokna.

1 SAMUEL 8:7

jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.

1 SAMUEL 8:9

Jadi hara ni i, oloi ma na nipangido ni halahi i; tapi tangkas sajo paingot halahi jana patorang sanga na songon dia sanoli on na giot baenon ni raja tu halahi.”