1 SAMUEL 8:7 - BIBEL JAMITA NA DENGGAN

⁷ jana didok Tuhan ma, “Oloi ma sude pangidoan ni bangso i tu ho. Angke nada ho na nitulak ni halahi, tapi Au do. Nada dihagioti halahi be marrajahon Au.

1 SAMUEL 8:7 ပူးပေါင်းရင်းမြစ်များ

HARURUAR 16:8

Dung i ninna si Musa ma, “Lehenon ni Tuhan ma di hamu juhut panganonmunu di potang ni ari, dohot roti sanga sadia giotmunu manyogot, angke madung dibege Tuhan ungut-ungutmunu tuSia. Muda marungut-ungut hamu tu hami, satutuna tu Tuhan do hamu na marungut-ungut i.”

JESAYA 66:4

Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”

JEREMIA 34:14

Hudok do disi, angkon paluaon do di taon papituhon sandok hatoban sian halak Ibrani na dung mangoloi gok onom taon. Tapi nada ra ompumunu i mamparrohahon sanga manangihon sanga aha na Hudokkon i.

JEHESKIEL 2:3

“Ale jolma parsantongkinan, Husuru ho tu angka halak Israel na dung mangalo tu Au. Pangalo do halahi lopus tu saonnari laing songon ompu ni halahi i.

JEHESKIEL 3:7

Tapi anggo bangso Israel nada ra manangihon na nidokmu, salangkan Au so ditangihon halahi. Sijogal roha do halahi sude jana sai mangalo.

BILANGAN 22:20

Borngin i ro ma Debata mangkatai dohot si Bileam, ninna ma, “Ro halak on mangido anso rap kehe hamu ancogot, antong marhobas ma ho anso kehe. Tapi hum na Hudok i do na patut karejohononmu.”

MATEUS 10:40

“Na manjagit hamu, Au do na nijagitna. Halak na manjagit Au, dijagit ia muse do na marsuru Au.

LUKAS 10:16

Dung i mandok hata ma Jesus tu angka siseanNia, “Angka halak na manangihon na nidokmunu sarupa do i tu na manangihon sanga aha na Hudok tusia. Halak na so ra manjagit hamu, laing na so ra manjagit Au do i. Jana halak na so ra manjagit Au, sarupa do i tu na so ra manjagit na marsuru Au.”

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

JOHANNES 13:16

Tutu do na Hudok on tu hamu: Nada gumodang naposo sian morana; jana nada gumodang suruan sian na marsurusa.

HAKIM-HAKIM 8:23

Alus ni si Gideon, “Nada. Nada gabe au pamimpinmunu; dakdanakku pe inda. Tuhan do na gabe pamimpinmunu.”

1 SAMUEL 10:19

Madung Hupalua hamu sian ragam ni parkancitan dohot pardangolan, hape saonnari madung ditulak hamu Au Debatamunu, harana dipangido hamu do anso Hutodo sada raja di hamu. Antong anggo songon i, marlagut ma hamu di jolongKu, Tuhanmu, mangihutkon horong dohot margamunu.’ ”

1 SAMUEL 12:1

Dung i mandok hata ma si Samuel tu sude bangso Israel, “Madung huoloi sude pangidoanmunu jana madung huangkat sada raja di hamu.

1 SAMUEL 12:12

Tapi di na niidamunu giot ro si Nahas raja ni Amon mamorangi hamu, ditulakkon hamu do Tuhan na gabe rajamunu jana didok hamu tu au, ‘Giotnami, adong ma raja na mamarenta hami.’

1 SAMUEL 8:22

Dialusi Tuhan ma, “Ihutkon sajo ma na nidok ni halahi i jana angkat ma sada halak raja di halahi.” Dung i disuru si Samuel ma marmulahan angka halak Israel i tu bagasna be.

1 SAMUEL 8:8

Mamungka sian na Huoban halahi sian Mesir sai na marbalik do halahi sian Au jana marsomba tu angka debata na asing, jana na nibaen ni halahi saonnari tu ho, i ma na nibaen ni halahi tu Au.