1 SAMUEL 8:4 - BIBEL JAMITA NA DENGGAN

⁴ Jadi gabe marlagut ma sude pamimpin ni Israel, lalu kehe mandapotkon si Samuel di Rama,

1 SAMUEL 8:4 ပူးပေါင်းရင်းမြစ်များ

2 SAMUEL 3:17

Dung i martahi ma si Abner dohot angka hatobangon ni Israel, “Sian najolo do dihagioti hamu si Daud gabe rajamunu.

2 SAMUEL 5:3

Mambaen janji ma si Daud dohot sude hatobangon ni Israel i na ro mandapotkon ia, jana dimiahi halahi ma ia gabe raja ni Israel.

HARURUAR 24:1

Dung i didok Tuhan ma tu si Musa, “Nangkok ma hamu mandapotkon Au, ho rap dohot si Harun, si Nadab dohot si Abihu dohot pamimpin ni halak Israel na pitu pulu halak i. Jadi dompak dao dope hamu sian on, angkon marsomba do hamu.

HARURUAR 3:16

Kehe ma ho, palagut ma sude hatobangon ni Israel. Pabotohon ma tu halahi, na dung ro tu ho, Au, Tuhan, Debata ni ompu ni halahi, Debata ni si Abraham, si Ishak dohot si Jakob, na dung patidahon diriNa tu ho i do marsuru ho paboahon tu halahi, jana madung Huida sanga songon dia pambaen ni halak Mesir i tu halahi.

1 SAMUEL 1:19

Ancogotna i manyogot-nyogot dope, ngot ma si Elkana dohot dongan sabagasnia jana dung salpu maribadat tu Tuhan mulak ma halahi tu Rama. Jana rap ma si Elkana dohot si Hanna dadaborunia i, jana tulus ma dibaen Tuhan tangiang ni si Hanna i.

1 SAMUEL 11:3

Dung i dialusi angka pamimpin ni kota Jabes ma, “Lehen ma hatiha di hami pitu ari honokna anso sanga suruonnami utusan tu sude tano Israel. Muda nada adong na ra mangurupi hami, jadi gabe sahat di ho ma hami.”

1 SAMUEL 7:17

Jana sai mulak do ia mangulahi tu Rama. Na gabe hakim ni halak Israel do ia disi jana dipajongjong ia muse sada langgatan di Tuhan.

1 SAMUEL 8:10

Sude na nidok ni Tuhan i dipalalu si Samuel do tu angka halak na mangidohon anso adong sada rajana, ning ia ma,