Hape nada ra halak Juda mangoloi Tuhan. Gari ada mur mardosai do halahi dibaen si Manase, jumahat sian dosa na nibaen ni angka bangso na di Kanaan na nipaorot ni Tuhan di parmasuk ni bangso ni Tuhan tu luat i.
Jadi hara ni i, angka parmaraan na nihabiaran ni halahi, apala i ma ro mandondoni halahi sandiri. Angke dompak pio-pio Au, nada adong na mangalusi, jana dompak na manghatai Au, nada adong na manangihon. Tumabo do dihilala halahi mangalo Au dohot mambaen na jahat.”
Ro do halahi marbahat-bahat songon bangsongKu, tangihonon ni halahi do angka hata na nidokmu, tapi anggo na niparentahonmu nada diterge halahi. Hata holong ni roha do dipajojor bibir ni halahi, tapi anggo rohana di bagasan hum mamikiri untung sajo do.
“Muda dung hamu nampuna tano na giot silehenon ni Tuhan Debatamunu tu hamu, jana dung maringanan hamu disi, aropku por do rohamunu adong sada rajamunu, songon angka bangso na maringanan humaliang hamu.
Tapi di na niidamunu giot ro si Nahas raja ni Amon mamorangi hamu, ditulakkon hamu do Tuhan na gabe rajamunu jana didok hamu tu au, ‘Giotnami, adong ma raja na mamarenta hami.’