1 SAMUEL 8:18 - BIBEL JAMITA NA DENGGAN

¹⁸ Jadi muda ro hatihana i, humolos-holos ma hamu hara ni raja na nipilimunu i, hape nada tangihonon ni Tuhan be holosmunu i.”

1 SAMUEL 8:18 ပူးပေါင်းရင်းမြစ်များ

2 JUJUR TAON 10:11

Madung borat boban na nilehen ni damang i tu hamu, tapi umboratan dope na giot silehenonku. Disambok ia do hamu dohot hotang, tapi anggo au giot libasonku dope hamu dohot libas-libas na marduri bosi!’ ”

JOB 27:8

Adong ma he siaropon ni roha ni halak na so hasaya di na ro Debata manunggu hosana?

JOB 27:9

Tangihonon ni Debata ma he tangis ni halahi di hamamasa ni hasusaan mandondoni?

MASMUR 18:41

Marsurak halahi, hape so adong na mangurupi, pio-pio halahi tu Tuhan, nada ra Ia mangalusi.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

JESAYA 1:15

Muda pe diangkat hamu tanganmunu martangiang, nada Huterge be i. Nada parduli Au sanga na sadia bahat tangiangmunu i, nada ra Au manangihonsa angke dohot tanganmunu i madung bahat hamu mamunu.

JESAYA 59:1

Satutuna, nada na hurang ginjang tangan ni Tuhan laho paluahon, jana parbinegeanNia nada na hurang tajom mambege.

JESAYA 8:21

Malat-alat ma angka halak na malang bagian dohot halak na haleon di luat i. Sun malena dohot murukna, jabat diburai halahi raja dohot Debata ni halahi. Sanga na tu dia pe manatap halahi, tu langit

JEHESKIEL 8:18

Rasoan ni halahi ma jorbut ni hamumurukKu! Nada halupahononku sanga ampunanKu halahi. Haru pe mangangguhi halahi martangiang tu Au sagogo-gogona, nada ra Au manangihon!”

MIKA 3:4

Dapot do i hatihana marsurak hamu mangido tolong tu Tuhan, tapi nada ra Ia mangalusi. Nada ra be Ia mangalusi angka tangiangmunu, hara ni na dung dibaen hamu pangalaho na jahat.

LUKAS 13:25

Sada hatiha jongjong ma nampuna bagas i jana ditutup ia ma pintuna i. Dung i jongjong ma hamu di ruar manektehi pintu i jana mandok, ‘Dibuka Tuan i ma jolo di hami pintu on!’ Alusan ni Tuan i ma, ‘Nada Huboto sanga sian dia hamu ro!’

1 SAMUEL 8:17

Saparsampulu sian hambengmunu dohot biri-birimunu buatonnia ma i. Jana hamu sandiri gabe hatobanna.