1 SAMUEL 8:12 - BIBEL JAMITA NA DENGGAN

¹² Deba ma i angkatonna gabe pamimpin tu saribu halak, jana na asing i tu lima pulu halak. Paksaon ni raja ma angka dakdanakmunu mamangkur ladangna, palagutkon suhana, mambaen angka sinjatana dohot parkokas ni karetana.

1 SAMUEL 8:12 ပူးပေါင်းရင်းမြစ်များ

1 RAJA-RAJA 4:7

Diangkat si Salomo do dua bolas Gubernur di sude harajaan Israel. Angka karejo na dung nitontuhon tu halahi, i ma palagutkon sian daerah ni halahi be bahan sipanganon di raja dohot sude na tinggal di bagas godangnia. Ganop Gubernur margeler ma palagutkon jana pasahatkon i sabulan lolotna di bagasan sataon.

BILANGAN 31:14

Dimuruhi si Musa ma angka pamimpin dohot kapala ni saribu tentara dohot kapala ni saratus tentara na baru mulak sian parporangan i.

1 SAMUEL 22:7

didok ia ma tu angka parangannia i, “Tangihon hamu jolo, hamu angka halak Benyamin! Na giot lehenon ni si Daud ma he lakna ladang dohot kobun anggur di hamu? Na giot angkatonnia ma he hamu lakna gabe kapala di bagasan tentarania?

1 SAMUEL 8:13

Angka borumunu suruonna ma i mambaen miak na huskus disia dohot markarejo gabe pardahanna dohot pature rotina.