1 SAMUEL 8:11 - BIBEL JAMITA NA DENGGAN

¹¹ “Songon on ma baenon ni rajamunu i tu hamu,” songon i ma dipatorang si Samuel, “Paksaonna ma angka dakdanakmunu masuk tentara; deba ma i gabe parangan na markareta, deba gabe parangan na markudo, jana na asing i gabe parangan na mardalan pat.

1 SAMUEL 8:11 ပူးပေါင်းရင်းမြစ်များ

2 SAMUEL 15:1

Dung i diparade si Absalom ma disia sandiri kareta dohot kudo rap dohot lima pulu halak pandonganinia.

1 RAJA-RAJA 1:5

Hara ni na dung mate si Absalom, sian sude anak ni si Daud si Adonia noma na tumobang. Inangnia margoar si Hagit. Tongam do idaon rupana. Nada jungada digorahon amangnia i ia haru tarsung pe ia sala. Hara ni por ni rohania gabe raja, dipasingkop si Adonia ma disia kareta porang dohot tentara na markudo dung i muse lima pulu halak pangawal.

1 RAJA-RAJA 10:26

Dibaen si Salomo ma tentarania, kareta porangna adong saribu opat ratus jana kudo porang dua bolas ribu. Dibaen ia ma i deba di Jerusalem jana na deba nari i di angka kota na asing.

1 RAJA-RAJA 12:10

Dialusi halahi ma, “Sugari songon on do didok raja i tu halahi, ‘Haru gale situtu pe au, laing gumogo dope au sian damang!

1 RAJA-RAJA 12:4

“Daulat Na Mulia! Pir do pambaen ni si Salomo amang ni raja i tu hami. Dilehen ia do tu hami siporsanon na dokdok. Saonnari muda ra do raja i panayangkon dohot mangurahi tanggungannami, ra do hami tunduk tu raja i.”

1 RAJA-RAJA 14:27

Jadi laho manggontisa dibaen Raja Rehabeam ma angka parince sian tumbaga jana dipasahat ia ma tu angka perwira na martugas mangawal horbangan ni bagas godang ni raja i.

1 RAJA-RAJA 18:46

Mandapot gogo ma si Elia di ombas i sian Tuhan. Dilompit ia ma baju jubania i tu ginjang jana ditambat ia ma tu gontingnia, jadi dilojong ia ma manjoloi si Ahab sapanjang dalan i lopus lalu tu horbangan ni Jesreel.

1 SAMUEL 10:25

Dung i dipatorang si Samuel ma tu bangso i taringot tu hak dohot sipatupaon ni raja, lalu disuratkon ia ma i di buku na disimpan di inganan na badia. Dung i disuru si Samuel ma sude bangso i marmulahan tu bagasna be.

1 SAMUEL 14:52

Salolot di ngolu ni si Saul sai marporang marsitutu do ia mangalo halak Pilistin. Jadi hara ni i ma, muda diida si Saul halak na gogo sanga na barani, manigor dibaen ia do i gabe tentarania.

1 SAMUEL 22:7

didok ia ma tu angka parangannia i, “Tangihon hamu jolo, hamu angka halak Benyamin! Na giot lehenon ni si Daud ma he lakna ladang dohot kobun anggur di hamu? Na giot angkatonnia ma he hamu lakna gabe kapala di bagasan tentarania?

1 SAMUEL 8:9

Jadi hara ni i, oloi ma na nipangido ni halahi i; tapi tangkas sajo paingot halahi jana patorang sanga na songon dia sanoli on na giot baenon ni raja tu halahi.”