1 SAMUEL 7:6 - BIBEL JAMITA NA DENGGAN

⁶ Jadi marlagut ma halahi sude di Mispa. Ditimbai halahi ma aek jana diparduruskon halahi ma i gabe songon haul tu Tuhan, jana dipaudut halahi tu na marpuaso tangging sadari i. Didok halahi ma, “Madung mardosa hami tu Tuhan.” (Di Mispa ma dipungka si Samuel pasidungkon angka parkaro parsalisian ni halak Israel.)

1 SAMUEL 7:6 ပူးပေါင်းရင်းမြစ်များ

PAMUNGKAAN 31:49

Laing didok si Laban muse ma, “Sai dimatai Tuhan ma hita salolot mangolu di parsirangan hita.” Jadi hara ni i, laing digoari muse ma inganan i Mispa.

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

1 RAJA-RAJA 8:47

“Muda di luat i halahi, sian ias dohot sian situtu ni roha ni halahi maninggalkon angka dosa ni halahi, dioku halahi dosa dohot hajahatan ni halahi, martangiang halahi tu Ho adop luat on na dung nilehenMu tu ompungnami adop kota na nipiliMu dohot adop bagas parsombaan on na dung hupajongjong di Ho,

1 JUJUR TAON 11:18

Umbege i, kehe ma perwira ni si Daud si tolu halak na tarbonggal i mangaloha parbandaran ni halak Pilistin i, ditimba halahi ma aek sian sumur i lalu dioban halahi tu si Daud. Hape nada giot si Daud manginumsa, diduruskon ia do aek i gabe haul tu Tuhan,

2 JUJUR TAON 20:3

Gabe mabiar ma si Josafat lalu martangiang ma ia mangido panogu-noguon sian Tuhan. Dung i diparentahon ia ma anso puaso sude rayat i.

NEHEMIA 9:27

Jadi gabe dipasahat Ho ma halahi tu musuna. Na mangarajai dohot mamisat halahi dohot hakejamonna. Tapi di na nidondonan ni hasusaan i, pio-pio ma halahi tu Ho mangido pangurupi. Sian banua ginjang Ho manangihonsa; mardongan holong ni roha na gok dilehen Ho alusna. Ditongos Ho pamimpin dohot na barani, na paluahon halahi sian na mamusui.

JOB 16:20

Diincahi jana dipartatai angka dongan iba; lalu tangis ma au mangido tolong tu Debata.

JOB 3:24

Holsoan au gonti ni na mangan, mardabu holso au so maradian.

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

JOB 42:6

Jadi gabe ila do rohangku paingot-ingot sude hatangku jana juguk di abu dohot orbuk do au manyolsoli rohangku.”

MASMUR 106:6

Laing songon angka ompunami, hami pe madung mardosa, madung hami baen na jahat dohot na manggaga.

MASMUR 119:136

Mabaor ilungku songon batang aek, hara ni TonaMu na so dipatulus.

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 6:6

Humolos au pola marsak situtu; ganop borngin mardodor ilungku, manombur podomanku.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

JEREMIA 31:19

Madung hami hudukkon Ho tapi parbuatannami i hami solsoli do. Dung diuhumi Ho hami, mangunduk do ulunami hara ni arsaknami. Maila hami jana marbile dibaen mardosa taran poso dope.’

JEREMIA 36:9

Di bulan sambilan taon palimahon dung mamarenta si Joyakim raja ni Juda, puaso ma rayat anso maruli ibo ni roha sian Tuhan. Puaso do sude halak na maringanan di Jerusalem dohot angka halak na ro sian kota-kota na di Juda.

JEREMIA 9:1

Sugari sumur na gok ma nian ulungku, jana pancur na torus mardalan ma matangku! Tarbaen au ma tangis arian dohot borngin, mangandungi angka jolma sabangsongku na nibunu ni musu.

ANDUNG 2:11

Marbosoli matangku hara ni na so mantak tangis, marhancit tondingku songon na dihoris. Loja au holosan paida-ida haruruncur ni bangso i, na baru sorang dohot dakdanak marompasan di dalan ni kota i.

ANDUNG 3:49

Nada mantak be au tangis,

ANDUNG 5:16

Madung madabu tuku sian ulunami, ma pola mago hami hara ni na mardosa.

JEHESKIEL 20:4

Ale jolma parsantongkinan, madung he hobas ho laho manguhumi halahi? Aha dope, dalankon ma! Sungguli ma tu parningotan ni halahi sandok hagigian na nipambaenan ni ompu ni halahi.

HOSEA 5:1

Didok Tuhan ma, “Tangihon hamu ma ale angka malim! Parrohahon ma ale halak Israel! Bege ma, ale hamu angka jolma pomparan ni raja! Madung didabu uhum tu hamu. Angke, sapatutna nian angkon tigor do hamu manguhumi, hape balikna i do gabe tudos tu jorgong do hamu di Mispa, songon jorat di Dolok Tabor,

JOEL 2:12

Didok Tuhan ma, “Tapi anggo saonnari, sian sandok roha mulak ma tu Au mangulahi, lalu puaso, tangis jana marsak.

HAMALIMON 16:29

“Angka aturan on pe angkon patuluson tu zaman na giot ro sapanjangna. Di ari sampulu bulan pitu, sude halak Israel dohot angka halak na leban na rap dohot halahi, angkon marpuaso do jana nada tola mangkarejohon sanga aha pe, angke ari na sun badia do ari i. Di ari i angkon baenon do pesta paiaskon bangso Israel sian sude dosa ni halahi, anso ias halahi mangihutkon aturan ni ugamo.

HAMALIMON 26:40

Tapi anggo pomparanmu dioku halahi do dosa ni halahi sandiri dohot dosa ni ompu ni halahi, na dung mardosa hara ni na dialo halahi Au,

LUKAS 15:18

Jongjong noma au kehe manopot damang jana dokkononku ma tusia: Madung mardosa au adop Debata bope maradopkon damang.

JOSUA 18:26

Mispa, Kefira, Mosa,

HAKIM-HAKIM 10:10

Jadi pio-pio ma halak Israel tu Tuhan, ninna halahi ma, “Madung mardosa hami maradopkon Ho, hara ni na so hami antureskon Ho Debatanami, gabe marsomba hami tu angka Debata Baal.”

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”

HAKIM-HAKIM 2:4

Dung sidung dipajojor surusuruan i barita i, tangis ma sude bangso Israel.

HAKIM-HAKIM 20:23

Kehe ma halak Israel tu inganan paribadatan, lalu tangis disi tu Tuhan. Disapai halahi ma, “Tuhan, angkon ulahannami dope kehe mamorangi angka kahangginami halak Benyamin i?” Dialusi Tuhan ma, “Olo, maju ma.”

HAKIM-HAKIM 20:26

Jadi gabe kehe muse ma halak Israel tu Betel tangis tu Tuhan. Puaso do halahi disi lopus borngin jana dipasahat halahi do angka haul pardonganan dohot angka haul situtungon.

HAKIM-HAKIM 3:10

Digohi Tondi Ni Tuhan ma si Otniel, jadi gabe pamimpin ni halak Israel ma ia. Kehe ma ia marporang, gabe dilehen Tuhan ma hamonangan tusia maralohon raja ni Mesopotamia i.

1 SAMUEL 1:15

Tapi dialusi si Hanna ma, “Nada na mabuk au da amang, nada adong minum anggur au! Na marsak situtu do au, tapi na martangiang do au paboahon pardangolanku tu Tuhan.

1 SAMUEL 10:17

Jadi dipiohon si Samuel ma rayat ni Israel anso marlagut tu adopan ni Tuhan di Mispa,

1 SAMUEL 12:10

dung i martangiang ma halahi tu Tuhan lalu mangoku, ‘Madung mardosa hami hara ni na marbalik sian Ho, ale Tuhan, jana hami somba angka patung ni Debata Baal dohot Astoret. Tapi saonnari, palua ma hami sian musunami, gabe mangoloi tu Ho ma hami!’ ”

1 SAMUEL 7:15

Salolot mangolu si Samuel mamarenta Israel,