1 SAMUEL 7:3 - BIBEL JAMITA NA DENGGAN

³ Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”

1 SAMUEL 7:3 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

1 RAJA-RAJA 11:33

Giot songon i ma baenonKu hara ni na nitadingkon ni si Salomo Au jana marsomba ia tu angka debata: I ma Astoret, debata boru-boru na sian Sidon; Kamos, debata ni Moab, dohot Milkom, debata ni Amon. Madung mardosa si Salomo jana dilaosi ia angka na Huparentahon. Anggo amangnia si Daud diihutkon do angka tona dohot parentangKu, hape anggo si Salomo, nada.

2 RAJA-RAJA 17:39

Burju ma oloi hamu Au, Tuhan Debatamu, anso Hupalua hamu sian angka musumunu.”

2 RAJA-RAJA 23:15

Ditutung ma patung ni debata boru-boru Asera jana inganan pamelean na di Betel disegohon. Raja Jerobeam anak ni si Nebat do na pajongjong pamelean i – i ma raja na mambaen halak Israel mardosa.

1 JUJUR TAON 22:19

Jadi, ulang so oloanmunu Tuhan Debatamunu i sian sude roha dohot gogomunu. Pungka hamu ma pajongjong bagas di Debata, anso dipamasuk tusi Poti Parjanjian ni Tuhan dohot sandok parkokas na asing i na nipake di bagasan na mandalankon ibadat.”

1 JUJUR TAON 28:9

Jadi tu si Salomo, didok si Daud ma, “Amang, Debata na nisomba ni amangmu ma oku gabe Debatamu. Angkon oloanmu do Ia sian sonang dohot ias ni rohamu. Harana diboto Ia do sude pikiran dohot pos ni rohanta. Muda dijalahi ho Ia, gabe padumpang ma dohot Ia, tapi muda ditadingkon ho, tulakkononNia noma ho salolot-lolotna.

2 JUJUR TAON 19:3

Haru songon i pe, laing adong do nian na denggan di raja i. Dipaduru raja i do sude patung ni Debata Asera na nisomba ni rayat i jana diusahahon raja i do laho mangihutkon hagiot ni Debata.”

2 JUJUR TAON 20:33

Tapi anggo angka inganan parsombaan tu gana-ganaan nada disegohon ia. Anggo rayat i, nada podo sian sasude rohana na maribadat tu Debata ni ompu ni halahi.

2 JUJUR TAON 30:19

“Tuhan, Debata sombaon ni ompunami, sian hadengganan ni rohaMi, sai ra ma Ho nian mangampuni halak na mulak tu Ho sian sasude rohana, haru pe na so mangias dirina dope halahi.”

PODA 16:1

Jolma mambaen rancangan, Debata do na mangalehen haputusan.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 24:7

LehenonKu ma tu halahi por ni roha laho mamboto bahaso Au do Tuhan. Jadi gabe bangsongKu ma halahi, jana Au gabe Debata ni halahi, angke mulak do halahi tu Au sian sandok rohana.

JEREMIA 36:3

Betak na ra do halak Juda mantak mambaen na jahat muda dibege halahi taringot tu sude parmaraan na giot dondonkononKu tu halahi. Jadi ampunanKu do dosa dohot hajahatan ni halahi.”

JEREMIA 4:1

Didok Tuhan, “O halak Israel, muda ra hamu mulak mangulahi, antong mulak ma hamu. Jolo parambungkon hamu ma angka gana-ganaan na Huhagigihon i, jana setia ma hamu tu Au,

JEHESKIEL 14:6

Laing paboa muse ma tu halak Israel bahaso Au Tuhan Debata mandok tu halahi, ‘Pauba ma rohamunu sian angka dosamunu jana tadingkon hamu ma angka gana-ganaanmunu sihagigian i.’

JEHESKIEL 18:31

Antak hamu ma sude hajahatan na nibaenmunu jana paimbaru hamu ma roha dohot pikiranmunu. Biasi angkon gumonan hamu mate?

HOSEA 14:1

Angkon uhumon do Samaria hara ni na mangalo tu Au. Marmatean ma rayatna i di bagasan parporangan; hona giling angka dakdanakna na baru sorang, jana angka dadaboru na denggan pamatangna hona bola butuhana i.”

MATEUS 15:8

‘Dipasangap bangso on do Au hum di pamangan sajo, hape anggo roha ni halahi dao do sian Au, songon i ma pandok ni Debata.

MATEUS 4:10

Dialusi Jesus ma, “Morot ma ho, Sibolis! Angke tarsurat do, ‘Sombaonmu do Tuhan Debatamu, hum Ia sajo do oloanmu!’ ”

MATEUS 6:24

“Nada adong sahalak pe na tarbaen mangoloi dua tuan sanoli mangoloi. Muda dibaen ia songon i, goyak ma rohania tu na sada, holong ma rohania tu na sada nari. Sanga burju ma ia tu tuan na sada, tapi na sada nari inda diantureskon. Songon i muse do hamu. Nada tarbaen hamu markarejo tu Debata dohot markarejo tu arta sanoli mangkarejohon.

LUKAS 4:8

Dialusi Jesus ma, “Tarsurat do di Buku Na Badia i, ‘Somba ma Tuhan, Debatamu jana Ia sajo do sioloanmu!’ ”

JOHANNES 4:24

Tondi do anggo Debata, jana angka na giot marsomba tu Debata, angkon marsomba di bagasan Tondi dohot hasintongan.”

PANGARATAION 10:20

Habiari hamu ma Tuhan Debatamunu, jana tuSia sajo ma hamu mangoloi. Sai hot ma hamu setia tuSia jana mangasahon goarNia ma baen hamu angka janjimunu.

PANGARATAION 13:4

Angkon mate do halak na songon i, uhumonmunu, angke na giot mangaliluhon hamu do halakna i sian dalan na niparentahon ni Tuhan tu hamu. Halak na jahat do i na marsuru hamu mangalo tu Tuhan na dung paluahon hamu sian Mesir, ingananmunu di parhatobanan. Jadi angkon bunuon do i anso mago hajahatan i. Tapi angkon ihutkononmunu do Tuhan jana pasangaponmunu; oloi hamu ma Ia jana patulus hamu sude na niparentahonNia. Sai hot ma hamu tongtong marpangoloion jana burju tuSia.

PANGARATAION 4:29

Jalahanmunu ma disi Tuhan Debatamunu, jana muda sian sandok roha dohot tondimunu hamu manjalahi Ia, dumpang hamu ma Ia.

PANGARATAION 6:13

Habiari ma Tuhan Debatamu jana mangoloi tuSia sajo ma ho jana janjimu pe di bagasan goarNia sajo ma baen.

JOSUA 13:31

Masuk muse dope satonga sian tano Gilead, dohot Astarot dohot Edrei, i ma sidua kota sabungan ni luat na nirajaan ni Raja Og di Basan. Dilehen sude luat i tu satonga marga na sian pomparan ni si Makir anak ni si Manase.

JOSUA 24:14

“Antong saonnari,” ninna si Josua manguduti, “sai pasangap hamu ma Tuhan. Situtui hamu ma jana setia mangoloi tuSia. Pasiding hamu ma angka debata na nisomba ni angka ompumunu najolo di Mesopotamia dohot di Mesir. Hum tu Tuhan sajo ma hamu mangoloi.

JOSUA 24:23

“Antong muda songon i, paduru hamu ma angka debata ni bangso-bangso na asing i na adong di hamu, jana marjanji ma hamu na sai unduk tu Tuhan, Debata ni Israel,” songon i ma pangidoan ni si Josua sian halahi.

HAKIM-HAKIM 10:16

Dung i diparambungkoni halahi ma sude patung sombaon, lalu marsomba halahi tu Debata. Jadi gabe ibo ma roha ni Debata paida-ida halahi na di hasompitan i.

HAKIM-HAKIM 10:6

Mangulahi ma muse mardosa halak Israel tu Tuhan. Nada diantureskon halahi Tuhan jana mantak halahi marsomba tu Tuhan. Marsomba halahi tu angka Debata Baal dohot Astoret dohot tu angka debata ni bangso Siria, Sidon, Moab, Amon dohot Pilistin.

HAKIM-HAKIM 2:11

Dung i mardosa ma halak Israel maradopkon Tuhan, jana mulai ma halahi marsomba tu Baal.

HAKIM-HAKIM 2:13

Nada marsomba tu Tuhan be halahi, tapi marsomba tu Baal dohot Astoret noma halahi.

1 SAMUEL 31:10

Dung i dibaen ma angka sinjata ni si Saul i di bagasan bagas pamelean ni Debata Astoret, jana dipakuhon ma bangkena i di tembok ni kota Bet-Sean.