1 SAMUEL 7:2 - BIBEL JAMITA NA DENGGAN

² Laing honok do Poti Parjanjian ni Tuhan i tinggal di Kiryat-Jearim, adong do hira-hira dua pulu taon. Songon i ma lolotna sai pio-pio halak Israel mangido tolong tu Tuhan.

1 SAMUEL 7:2 ပူးပေါင်းရင်းမြစ်များ

1 JUJUR TAON 13:3

Dung i taalap ma Poti Parjanjian ni Debata, na nipadiar-diar songon na so mararga salolot Raja Saul mamarenta.”

1 JUJUR TAON 13:5

Jadi dipalagut si Daud ma rayat ni Israel sian sude luat, mamungka sian batas tu Mesir di Selatan lopus tu dalan tu Hamat di Utara laho mangalap Poti Parjanjian i sian Kiryat-Jearim jana marobansa tu Jerusalem.

JEREMIA 26:20

Jungada muse do adong sada halak nari na mangkuling mangalo kota dohot bangsonta on mangasahon goar ni Tuhan, songon na hubaen on. Si Uria goar ni bayo i, anak ni si Semaya na sian Kiryat-Jearim.

JEREMIA 3:13

Sandok okui sajo ma paboa na marsala dohot na dung mangalo ho tu Tuhan, Debatamu. Okui ma na dung dipataridahon ho holong ni rohamu maradopkon debata ni angka bangso na asing di toru ni ganop hayu na rumbun, dohot na so dioloi ho angka na Huparentahon. Au, Tuhan, madung mandok songon i.”

JEREMIA 31:9

Mardongan ilu-ilu mardalan halahi, Huapoi jana Huiring-iring halahi. Huoban halahi mamolus sian inganan na bahat aek, mamolus dalan na hornop na so tartuktuk patna be. Anggo di Israel songon ama do Au; Efraim ma anak panggoaran di Au.”

MATEUS 5:4

Martua ma halak na marsak roha; angke na giot apoan do roha ni halahi.

JOSUA 9:17

Jadi kehe ma halak Israel tu luat ni halahi i, i ma kota Gibeon, Kefira, Beerot dohot Kiryat-Jearim.

HAKIM-HAKIM 2:4

Dung sidung dipajojor surusuruan i barita i, tangis ma sude bangso Israel.

1 SAMUEL 7:1

Dung i dibuat halak Kiryat-Jearim ma Poti Parjanjian ni Tuhan i lalu dioban halahi tu bagas ni na margoar si Abinadab na tinggal di ginjang ni tor. Dung i dipapunjung halahi ma si Eleasar anak ni si Abinadab laho manjago Poti Parjanjian i.

1 SAMUEL 7:3

Dung i didok si Samuel ma tu halak Israel, “Muda na giot marbalik ma hamu tu Tuhan jana marsomba tuSia sian sandok rohamunu, angkon ambungkononmunu do sude debata na asing dohot patung ni Dewi Astoret i. Pasahat hamu dirimunu sude tu Tuhan jana hum tuSia sajo ma hamu marsomba, jadi gabe paluaonNa ma hamu sian halak Pilistin.”