1 SAMUEL 7:14 - BIBEL JAMITA NA DENGGAN

¹⁴ Sude kota na dung dibuat ni halak Pilistin, mamungka sian Ekron lalu tu Gat, dipaulak ma i tu Israel. Jadi gabe dapot Israel do sude mangulahi luat i. Jadi gabe mardame-dame ma ngolu ni halak Israel dohot halak Kanaan.

1 SAMUEL 7:14 ပူးပေါင်းရင်းမြစ်များ

1 JUJUR TAON 18:1

Dung adong sanga sadia honok, kehe ma Raja Daud mangalo halak Pilistin jana ditaluhon ia ma halahi lalu dirampas ia ma kota Gat rap dohot huta na menek-menek na humaliang i.

MASMUR 106:34

Nada diabiskon halahi angka bangso na asing, hombar tu na diparentahonMu humani.

BILANGAN 13:29

Di Selatan ni luat i maringanan halak Amalek. Di partoran, maringanan halak Het, Jebus dohot halak Amori. Di lambung ni Laut Tonga dohot sapanjang topi ni Batang aek Jordan maringanan halak Kanaan.”

PANGARATAION 7:16

Sandok bangso na nipasahat ni Tuhan Debatamu tu bagasan kuasomunu, siabiskononmunu do sudena i; ulang patuduhon hamu ibo ni roha tu halahi. Ulang somba hamu angka debata ni halahi, dibaen na mangalapi hamatean tu dirimunu do pangalaho na songon i.

PANGARATAION 7:2

Muda dipasahat Tuhan Debatamu angka bangso i tu bagasan kuasomu jana talu halahi dibaen ho, angkon bunuonmunu do sude halahi. Ulang baen parjanjian dohot halahi, sanga pe maribo ni roha.

JOSUA 10:5

Jadi gabe mardomu ma raja ni halak Amori na lima i, i ma raja ni Jerusalem, Hebron, Jarmut, Lakis dohot Eglon rap dohot sude tentarana be, lalu dihobuk halahi ma Gibeon mamorangisa.

JOSUA 15:11

Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga.

HAKIM-HAKIM 4:17

Jadi anggo si Sisera madung lari tu kemah ni si Jael, dadaboru ni si Heber, halak Keni i, angke na mardongan do Raja Jabin na sian Hasor dohot dongan sabagas ni si Heber i.