1 SAMUEL 7:13 - BIBEL JAMITA NA DENGGAN

¹³ Songon i ma pangalahona talu halak Pilistin jana nada dipatola Tuhan halahi masuk tu tano ni halak Israel. Salolot mangolu si Samuel, na so jungada do monang halak Pilistin maralohon halak Israel.

1 SAMUEL 7:13 ပူးပေါင်းရင်းမြစ်များ

2 SAMUEL 8:1

Dung adong sanga sadia honok dialo Raja Daud ma mangulahi halak Pilistin. Ditaluhon ia ma halahi jana dirampas tanona i.

HAKIM-HAKIM 13:1

Mardosa ma mangulahi halak Israel tu Tuhan, jadi gabe dipadiar Tuhan ma halak Pilistin markuaso tu halahi opat pulu taon honokna.

HAKIM-HAKIM 13:5

angke anggo anak na giot kandungonmi madung ditontuhon hian gabe halak nasir, jadi hara ni i, muda dung sorang anakmi ulang dipangkas obukna i. Ia ma ibana na giot paluahon bangso Israel sian kuaso ni halak Pilistin.”

HAKIM-HAKIM 8:28

Anggo halak Midian nada tolapsa be manggulot; ma talu halahi dibaen halak Israel. Jadi gabe aman ma luat i opat pulu taon lolotna, salolot di ngolu ni si Gideon.

1 SAMUEL 12:11

Dung i disuru Tuhan ma si Jerubaal (Gideon), dung i si Barak, dung i si Jefta jana ujungna au. Madung hami palua hamu sian musumunu, lopus tarbaen sonang ngolumunu.

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.