1 SAMUEL 7:10 - BIBEL JAMITA NA DENGGAN

¹⁰ Di na manghaulkon haul na nitutung i si Samuel, mamungka ma halak Pilistin mangaroro; tapi laing topet ma disi mangaronggur Tuhan sian langit tu ginjang ni halahi. Gabe sarsar ma halahi marlojong so diboto be tondongonna.

1 SAMUEL 7:10 ပူးပေါင်းရင်းမြစ်များ

MASMUR 18:15

Tandolan ni laut tarida, sisik ni tano tarbuka tangkas, di na manyonggak Tuhan tu musu mardongan rimas.

MASMUR 29:3

Mangaronggur di ginjang ni laut na bidang Debata Na Marmulia marsaringar di ginjang ni aek soraNia.

MASMUR 29:4

Gok hagogoan do sora ni Tuhan, sora ni Tuhan gok hakuasoon.

MASMUR 78:66

Disosak Ia alo i mulak balging, salolot na noma halahi talu.

ZAKARIA 4:6

Disuru surusuruan i ma au palaluhon tu si Zerubabel tona ni Tuhan songon on, “Nada markite-hite gogo ni parangan jana nada muse marhite hagogoonmu sandiri gabe manjadi karejomu, tapi marhite tondingKu do ninna Tuhan Na Markuaso.

PANGARATAION 28:7

Muda ro musu mamorangi ho, taluhonon ni Tuhan ma halahi. Sian sada dalan do halahi ro mamorangi, tapi maporus ma halahi sian ho tu pitu dalan.

JOSUA 10:10

Dibaen Tuhan ma halak Amori i gabe mabiar so martontu, dung diida halahi halak Israel. Bahat do halak Amori na hona bunu di Gibeon i jana angka na mangolu i dope dikojar ma manuati lereng ni dolok na di Bet-Horon lalu tu Aseka dohot Makeda na di Selatan.

HAKIM-HAKIM 4:15

dung i diserang halahi ma si Sisera. Jana dipasarsar Tuhan ma sude pasukan ni si Sisera i dohot angka kareta porangna gabe mijur ma si Sisera sian karetana i lalu marlojongi mardalan pat.

HAKIM-HAKIM 5:20

Angka bintang na di langit pe dohot do marporang, sian inganan parhusoranna halahi mamorangi si Sisera.

HAKIM-HAKIM 5:8

Di na marsomba Israel tu debata na asing, porang pe mapultak, nada adong na marsinjata sian na opat pulu ribu halak.

1 SAMUEL 12:17

Pio-pio ma au tu Tuhan, jana haru pe logo ni ari di hatiha on, paroon ni Tuhan ma ronggur dohot udan na gabe songon alus ni tangiangki. Di ombas i, torang ma botoonmunu na godang do hape dosamunu maradopkon Tuhan hara ni na mangido sada raja hamu.”

1 SAMUEL 14:15

Gurgar halak Pilistin dibaen barita i di parbandaran dohot na di padang-padang. Gabe mabiar ma sude rayat ni Pilistin dohot angka na di benteng maradu angka rombongan ni pangarampas; salang tano i antong humutur jana masa hagaoron godang.

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

1 SAMUEL 7:11

Haruar ma tentara ni Israel sian Mispa lalu mangkojar halak Pilistin i jabat do giot lalu tu Bet-Kar jana dibunui halahi ma i sapanjang dalan i.