1 SAMUEL 6:6 - BIBEL JAMITA NA DENGGAN

⁶ Aha he gunana jogal rohamunu songon raja bope halak Mesir najolo? Ulang hamu lupa di na niparloja ni Debata halahi, lopus muba roha ni halahi gabe dipaloas halahi halak Israel i morot sian Mesir.

1 SAMUEL 6:6 ပူးပေါင်းရင်းမြစ်များ

JOB 9:4

Sun do daulat ni Debata dohot kuasoNa; ise ma he na tahan mangalosa?

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

HARURUAR 10:3

Jadi kehe ma si Musa dohot si Harun mangadop tu raja i, jana didok halahi ma, “Tuhan, Debata ni bangso Ibrani mandok, ‘Sadia honok nari ma he gagaanmu tunduk tu Au? Loas ma bangsongKi kehe anso tarbaen halahi maribadat tu Au.

HARURUAR 14:17

PatangkangonKu ma roha ni halak Mesir i, anso dikojar halahi halak Israel, anso diida raja Mesir dohot angka paranganna, kareta dohot parkaretana i hagodanganKu na manaluhon halahi.

HARURUAR 14:23

Diayak-ayak halak Mesir ma halahi lalu mangihut masuk tu laut i dohot sude kudo, kareta dohot na maroban kareta i.

HARURUAR 4:21

Didok Debata ma tu si Musa, “Madung Hulehen di ho kuaso mambaen angka tanda hahomangan. Jadi dung mulak ho tu Mesir sanoli on, angkon baenonmu do sude tanda hahomangan i di jolo ni raja Mesir i. Tapi mur patangkangonKu do rohana, gabe nada loasonnia kehe bangso i.

HARURUAR 7:13

Haru pe songon i laing tangkang do raja i jana nada ra ia manangihon hata ni si Musa dohot si Harun, songon na nidok ni Tuhan hian.

HARURUAR 7:14

Dung i didokkon Tuhan ma tu si Musa, “Na jogal do roha ni raja i; laing nada dipaloas ia bangso Israel kehe.

HARURUAR 8:15

Dung diida raja i na dung marmatean sude tohuk i, dipajogal ia ma rohania mangulahi. Jana songon na nidok ni Tuhan, nada ra raja i manangihon si Musa dohot si Harun.

HARURUAR 8:32

Tapi dison pe tong do dipajogal raja i rohana jana nada diloas ia kehe bangso i.

HARURUAR 9:16

Tapi Hupadiar dope mangolu hamu laho patidahon kuasongKu tu hamu, anso tarbonggal goarKu tu sude portibi on.

HARURUAR 9:34

Dung diida raja i na masa i, diulahi ia ma mardosa. Tongtong do jogal roha ni raja i dohot angka menterinia i songon na somal.

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

IBRANI 3:13

Jadi, anso ulang adong sanga ise sian hamu na hona tipu dibaen dosa, na mambaen gabe mangalo tu Debata, angkon marsipaingotan do hamu sama hamu ganop ari salolot mangolu hita di hatiha na nidok “Sadari on” di Buku Na Badia i.