1 SAMUEL 6:2 - BIBEL JAMITA NA DENGGAN

² dipiohon halak Pilistin ma angka malim dohot angka parelmu jana disapai halahi ma, “Bia do baenonta Poti Parjanjian ni Tuhan i? Muda tapaulak tu ingananna humani, aha muse baenonta siluana tongosonta dope?”

1 SAMUEL 6:2 ပူးပေါင်းရင်းမြစ်များ

PAMUNGKAAN 41:8

Jadi dung torang ari, marsak ma da roha ni raja i, gabe disuru ia ma anso dipio sude datu parelmu dohot halak na pistar na adong di Mesir. Jadi dipaboa ia ma nipinia i tu halahi; tapi sahalak pe nada adong na tarbaen patorangkon astuanna.

HARURUAR 7:11

Hara ni i dipiohon raja i ma angka halakna parelmu dohot parsibalik mata, gabe dibaen halahi muse ma songon i mangihutkon elmu ni halahi.

JESAYA 2:6

Ale Debata, madung ditadingkon Ho bangsoMu pomparan ni si Jakob! Sanga na di dia pe di luat on, mamake hadatuon do halak songon halak Pilistin dohot halak na di Habincaran. Ditiru rayat i do adat na somal di halak na asing.

DANIEL 2:2

Hara ni i dipiohon ia ma angka partondung, parjampi-jampi, datu dohot Kasdim laho patorangkon angka nipina i.

DANIEL 5:7

Mangarar ma ia lalu mangido anso dipiohon angka datu na malo manjujur, na malo marjampi-jampi dohot na umboto parhalaan. Dung ro halahi, didok raja i ma, “Sanga ise na malo mambasa suratan i dohot paboahon astuanna tu au, lehenonku ma pakean harajaan, i ma baju juba na bunga torung dohot borgok sere tanda ni hasangapon. Tamba ni i angkatonku ma ia gabe parkuaso na patoluhon di bagasan harajaanku.”

MATEUS 2:4

Disuru ia ma angka kapala ni malim dohot angka Siboto Surat anso marlagut. Dung i disapai ia ma tu halahi sanga na di dia Kristus i giot sorang.

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.

1 SAMUEL 6:1

Dung adong pitu bulan honokna Poti Parjanjian i di Pilistin,