1 SAMUEL 6:14 - BIBEL JAMITA NA DENGGAN

¹⁴ Maradian ma padati i di lambung ni sada batu na godang di ladang ni si Josua, sada halak sian Bet-Semes. Dikampak halak kota i ma papan ni padati i lalu disambol halahi ma lombu na dua i baen haul situtungon di Tuhan.

1 SAMUEL 6:14 ပူးပေါင်းရင်းမြစ်များ

2 SAMUEL 24:18

Laing di na sadari i muse, ro ma si Gad mangadop tu si Daud jana didok ia ma, “Manaek ma jolo sugari nian raja i tu pardegean ni gandum ni si Arauna i, laho pajongjong langgatan di Tuhan.”

2 SAMUEL 24:22

Didok si Arauna ma, “Dibuat jana dihaulkon raja i ma tu Tuhan sanga aha na tumbuk diida raja i. Angka on ma lombu baen pakeon haul situtungon. Anggo sobanna tarpake raja i ma tiang ni pangkur dohot angka papan-papan ni pardegean on.”

2 SAMUEL 24:25

Dung i dipajongjong ia ma langgatan disi baen di Tuhan jana dihaulkon ia muse ma haul situtungon dohot haul pardonganan. Maralus do tangiang ni si Daud i dibaen Tuhan, lalu dipadao Tuhan ma bala i sian Israel.

1 RAJA-RAJA 19:21

Jadi gabe mulak ma si Elisa tu ladangnia i, disamboli ia ma angka lombunia i. Diparsoban ma hayu pasanganna i laho mangalompa juhut ni angka lombu i. Dung i dibagi-bagihon si Elisa ma juhut i tu angka dongannia i jana dipangan halahi ma. Dung salpu i, kehe ma si Elisa mangihutkon si Elia jana gabe pangurupinia ma ia.

HARURUAR 20:24

Baen hamu ma di Au sada langgatan sian tano jana pasahat hamu ma tu Au biri-biri dohot pahan-pahananmunu gabe haul situtungon dohot haul haluaan. Di ganop inganan paribadatanmunu tu Au na dung Hutontuhon, tusi ma Au ro mandapotkon hamu jana disi ma Hupasupasu hamu.

HAKIM-HAKIM 21:4

Ancogotna i sogot sajo dope, dipajongjong halak Israel ma sada langgatan disi, lalu dipasahat halahi ma tu Tuhan haul situtungon dohot haul haluaon.

HAKIM-HAKIM 6:26

Pajongjong ma di ginjang ni harumpahanna i sada langgatan na dung tangkas denggan dirancang. Dung i angkon tutungonmu ma haul tu Tuhan, i ma lombu jantan i himpal ulang dilapa-lapa, tiang na manggombarkon Dewi Asera na nirumpakkonmi ma pake gabe sobanna.”

1 SAMUEL 11:5

Na baru mulak sian ladangna dope hatiha i si Saul maroban lombuna. Disapai ia muse ma, “Aha na masa? Biasi martangisan halak sude?” Dung i dipaboa ma tusia barita na nioban ni utusan na sian Jabes.

1 SAMUEL 20:29

Pandoknia, ‘Paloas au jolo kehe, harana mambaen pesta haul hami na sabagas di Betlehem, jana disuru angkang au ro. Jadi hara ni i, muda tumbuk do rohamu, padiar au jolo kehe anso marsuo dohot koum sisolkotku.’ I ma dalanna umbaen na so tarida ia ro di pesta parmanganon ni amang on.”

1 SAMUEL 6:13

Hatiha manyabi gandum do halak Bet-Semes di hatiha i di rura. Marnida haroro ni Poti Parjanjian i marjop ni roha ma halahi mangaligisa.

1 SAMUEL 6:18

Adong sian kota i na martembok adong na so martembok. Ganop kota ma mangirim sada be baro sere dohot sada monci sere. Batu na godang inganan hapayahan ni Poti Parjanjian ni Tuhan i dibaen halahi, i ma na gabe tanda ni na masa i. Lopus tu sadari on pe laing di ladang ni si Josua halak Bet-Semes i do batu i.