1 SAMUEL 5:8 - BIBEL JAMITA NA DENGGAN

⁸ Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.

1 SAMUEL 5:8 ပူးပေါင်းရင်းမြစ်များ

1 JUJUR TAON 7:21

Si Eser dohot si Elad anak ni si Efraim hona bunu do di na laho mambuat pahan-pahanan ni halak na mangingani Luat Gat hian.

AMOS 6:2

Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu?

ZAKARIA 12:3

Tapi muda dung dapot ari i, baenonKu ma Jerusalem songon batu na dokdok, sanga bangso dia pe na mancubo mangangkatsa, gabe dapotan hamamago. Mardomu ma sandok bangso na di tano on laho mamorangi Jerusalem.

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:11

Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga.

1 SAMUEL 17:4

Jadi haruar ma sada bayo na margoar si Goliat sian parbandaran ni Pilistin i laho mangalap-alapi halak Israel. Ginjangna adong do hira-hira tolu meter,

1 SAMUEL 17:52

Anggo angka halak Israel dohot halak Juda marsurak-surak noma lalu mangkojar halak Pilistin mamungka sian Saaraim lalu tu Gat dohot tu pintu horbangan ni Ekron. Marserak ma sapanjang dalan i angka halak Pilistin na mabugang.

1 SAMUEL 29:6

Dung i dipio si Akhis ma si Daud jana didok ia ma, “Huoku do mangasahon Tuhan na mangolu i, anggo ho burju do tu au. Jop sajo do rohangku sugari tarbaen ho dohot mandongani au di parporangan on. Angke mamungka sian mulana na ro ho mandapotkon ahu lopus tu sadarion, nada adong dapot ahu dope hasalaanmu. Tapi anggo angka pamimpin na asing i nada por roha ni halahi tu ho.

1 SAMUEL 5:11

Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.

1 SAMUEL 5:7

Marnida na masa i, didok halahi ma, “Na hona uhum ni Debata ni Israel do hita on dohot Debatanta Dagon, ulang tapaloas be lumolot Poti Parjanjian i di hita on.”

1 SAMUEL 6:2

dipiohon halak Pilistin ma angka malim dohot angka parelmu jana disapai halahi ma, “Bia do baenonta Poti Parjanjian ni Tuhan i? Muda tapaulak tu ingananna humani, aha muse baenonta siluana tongosonta dope?”