1 SAMUEL 5:7 - BIBEL JAMITA NA DENGGAN

⁷ Marnida na masa i, didok halahi ma, “Na hona uhum ni Debata ni Israel do hita on dohot Debatanta Dagon, ulang tapaloas be lumolot Poti Parjanjian i di hita on.”

1 SAMUEL 5:7 ပူးပေါင်းရင်းမြစ်များ

2 SAMUEL 6:9

Tapi laing mabiar do si Daud tu Tuhan jana didok ia ma, “Bia noma saonnari baenonku maroban Poti Parjanjian i?”

1 JUJUR TAON 15:13

Di na dipapinda parjolo situtu Poti i, nada adong sian hamu na ro, jadi hara ni i, diuhumi Tuhan Debatanta hita, angke tabaen antong ibadat na so cocok tu na nihagiotanNia.”

HARURUAR 10:7

Dung i didokkon angka menteri i ma tu raja i, “Sadia honok nari sai arsahan ni halahon hita? Paloas ma halak Israel i kehe, anso maribadat halahi tu Tuhan Debata ni halahi. Nada he diida raja i sude tano Mesir madung sego?”

HARURUAR 12:33

Gabe disosak halak Mesir i ma anso diompoti halak Israel i manadingkon luat i. Ninna halahi ma, “Mate ma hami sude muda nada kehe hamu!”

HARURUAR 8:28

Ninna raja i ma, “Hupaloas pe hamu kehe tu halongonan, laho manghaulkon haul tu Tuhan Debatamunu i, asal ma ulang dao hamu kehe. Antong, tangiangkon ma au!”

HARURUAR 8:8

Dipio raja i ma si Musa dohot si Harun, ning ia ma, “Tangiangkon ma tu Tuhan, anso dipakehe Ia angka tohuk on, dung i huloas pe kehe bangsomi manghaulkon haul tu Tuhan.”

HARURUAR 9:28

Tangiangkon hamu ma tu Tuhan, madung tuk parkancitannami dibaen ambolas on. Marjanji ma au laho paloaskon hamu kehe. Indangkon pola tinggal be hamu dison.”

JEREMIA 46:25

Didok Tuhan Na Markuaso i, Debata ni Israel, “Uhumanku ma Amon, debata na sian Tebe, rap dohot Mesir sudena maradu angka debatana dohot raja-rajana. Raja ni Mesir dohot sude na mangasahon ia

JEREMIA 48:7

Moab! Dipangasahon ho ma hagogoan dohot sinadonganmu. Hape anggo saonnari taluhonon noma ho. Obanon ma tu habuangan i ma Kamos debatami rap dohot angka malimna maradu angka na mora-mora.

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?

1 SAMUEL 5:6

Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.

1 SAMUEL 5:8

Jadi gabe dipiohon halahi ma raja ni halak Pilistin na lima i anso marlagut, lalu disapai halahi ma, “Bia do Poti Parjanjian ni Debata ni Israel i baenonta?” Dialusi angka raja-raja i ma, “Paimbar hamu ma i tu kota Gat.” Jadi gabe dipaimbar ma Poti i tu kota Gat, i ma sada kota ni halak Pilistin na asing.

1 SAMUEL 6:20

Dung i didok halak Bet-Semes ma, “Ise ma he na tarbaen tahan di adopan ni Tuhan, Debata Na Badia i? Tu dia ma ulaning taruhononta Poti i anso dao sian hita?”