6 Dibaen Tuhan i ma uhum na borat tu halak Asdod jana dibaen ma halahi maoto. Diuhumi ma halahi sude dohot halak na adong di na humaliang huta i, marhite na parohon baro tu pamatang ni halahi.
Ligi ma saonnari uhumon ni Tuhan ma ho, lopus nada idaonmu be sondang ni mataniari piga-piga ari on,” ning si Paulus. Manigor taraso ma di si Elimas, songon na adong na golap manutup matania i, gabe gapa-gapa noma ia mardalan manjalahi halak manogu ia.
Hona uhum na ho baenon ni Tuhan marhite baro, songon na nibaenNa tu halak Mesir. Sap ma pamatangmunu dohot baro bope rasa na gatal tapi nada adong ubatna.
Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.
Marnida na masa i, didok halahi ma, “Na hona uhum ni Debata ni Israel do hita on dohot Debatanta Dagon, ulang tapaloas be lumolot Poti Parjanjian i di hita on.”
Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.