1 SAMUEL 5:2 - BIBEL JAMITA NA DENGGAN

² Dioban halahi ma disi Poti i masuk tu bagas ni debata ni halahi, si Dagon, jana dipayakkon ma i di lambung ni patung ni debata i.

1 SAMUEL 5:2 ပူးပေါင်းရင်းမြစ်များ

1 JUJUR TAON 10:10

Dung i dibaen halahi ma angka sinjata ni si Saul i tu bagasan sada bagas parsombaan ni halahi jana digantung halahi ma uluna i di bagasan bagas ni Dagon, i ma debata ni halahi.

1 JUJUR TAON 10:8

Sadari dung porang i, marroan ma halak Pilistin laho mangarampasi angka bangke i, jana dapot halahi ma bangke ni si Saul dohot anakna na tolu i payak-payak di Dolok Gilboa.

DANIEL 5:2

Taran na minum-minum i halahi, diparentahon si Belsasar ma anso dipambuati angka mangkuk sere dohot perak na nirampas ni amangnia si Nebukadnesar sian bagasan Bagas Na Badia na di Jerusalem. Giot ni Raja Belsasar anso sian angka mangkuk i ma minum angka halak na godang-godang i, angka dadaboruna be, angka gundiknia dohot ia sandiri.

DANIEL 5:23

Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.

HABAKUK 1:11

Dung i songon hipas ni alogo markehean ma angka jolma i na mardebatahon hagogoonna sandiri.”

HABAKUK 1:16

Dung i disomba halahi ma jala i jana dihaulkon halahi haul tu hadang-hadanganna, angke hara ni jala i madung mardohar halahi marlobi-lobian.

HAKIM-HAKIM 16:23

Sanoli marlagut ma angka na markuaso ni Pilistin giot marpesta dohot pasahatkon haul marsitutu tu Dagon, debata ni halahi. Marende ma halahi, “Madung dilehen debatanta i hamonangan di hita maralohon si Simson, musunta i!”