1 SAMUEL 5:10 - BIBEL JAMITA NA DENGGAN

¹⁰ Gabe ditaruhon ma Poti Parjanjian i tu Ekron, kota ni halak Pilistin na asing muse. Disi lalu Poti i disi, mangarar ma halak kota i, didok halahi, “Na giot mamunu hita sude do umbaen na dioban Poti Parjanjian ni Debata ni Israel i tusi.”

1 SAMUEL 5:10 ပူးပေါင်းရင်းမြစ်များ

2 SAMUEL 7:9

Ma pola Hudongani ho sanga na tu dia pe ho kehe jana Hupangabis do sandok musumu di parporanganmu. Jana giot baenonKu ho tarbonggal situtu tudos tu angka pamimpin na gumodang di tano on.

2 RAJA-RAJA 1:2

Sanoli madabu ma si Ahasia raja ni Israel i sian jandela di tirket parginjang na di bagas godangnia i di Samaria, jabat do posi. Jadi disuru ia ma halak manyapai tu si Baal-Zebub debata ni halak Ekron di Pilistin, sanga na malum dope hilalaonnia sanga nada.

1 JUJUR TAON 7:21

Si Eser dohot si Elad anak ni si Efraim hona bunu do di na laho mambuat pahan-pahanan ni halak na mangingani Luat Gat hian.

AMOS 1:8

PangabisonKu ma angka parkuaso na di Asdod dohot Askelon. UhumanKu kota Ekron, jana marmatean ma sude halak Pilistin na teba i.”

AMOS 6:2

Kehe ma hamu mangaligi tu Kalne, lalu patorus hamu ma tu kota Hamat na godang i, dung i muse tu kota Gat na di Pilistin. Diambang hamu do lakna na dumengganan angka kota i sian harajaan Juda dohot Israel? Umbidang ma he lakna luat ni halahi ulang tanomunu?

JOSUA 13:3

dohot sude Luat Awi sabola Selatan. (Luat na mamungka sian Batang aek Sihor di parbatasan ni Mesir lopus tu parbatasan ni Ekron na di Utara – tano ni halak Kanaan do sudena taretong; jana raja-raja ni Pilistin maringanan di Gasa, Asdod, Askelon, Gat dohot Ekron.)

JOSUA 15:11

Sian Timna, torus ma garis batas i kehe tu sabola Utara ni Ekron, lalu mangeldok adop Sikron manyalpui Dolok Baala, torus tu Jabneel lalu marujung di Laut Tonga.

JOSUA 15:45

Tamba ni i taretong muse dope Ekron dohot angka luat na humaliangna,

HAKIM-HAKIM 1:18

Dung i dirampas halak Juda ma Gasa; Askelon; Ekron dohot na humaliangna.

1 SAMUEL 17:52

Anggo angka halak Israel dohot halak Juda marsurak-surak noma lalu mangkojar halak Pilistin mamungka sian Saaraim lalu tu Gat dohot tu pintu horbangan ni Ekron. Marserak ma sapanjang dalan i angka halak Pilistin na mabugang.

1 SAMUEL 5:11

Jadi gabe dipiohon halahi ma sude raja ni Pilistin anso marlagut, didok halahi ma, “Paulak hamu ma da Poti Parjanjian ni Israel i tu ingananna humani anso ulang hona bunu hita dohot sisolkotta.” Masa ma hagunturon godang di kota i sude, angke hona uhum na borat situtu do halahi dibaen Debata.

1 SAMUEL 5:9

Tapi di na lalu Poti i disi, diuhum Tuhan ma kota i muse jana masa ma hasonggoton na godang situtu. Hona uhum ma halak kota i na poso sanga na matobang hona ma na baro-baroon na martubuan di pamatang ni halahi.

1 SAMUEL 6:1

Dung adong pitu bulan honokna Poti Parjanjian i di Pilistin,