1 SAMUEL 4:9 - BIBEL JAMITA NA DENGGAN

⁹ Papir hamu ma rohamunu, ale halak Pilistin! Marporang ma hamu, anggo inda, na giot gabe hatoban ni halak Ibrani i noma hamu, songon halahi najolo na gabe hatoban. Antong marporang ma hamu songon halaklahi!”

1 SAMUEL 4:9 ပူးပေါင်းရင်းမြစ်များ

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

JESAYA 14:2

Bahat bangso na giot mangurupi bangso Israel anso mulak halahi tu tano na nilehen ni Tuhan tu halahi, jana gabe hatoban ma angka bangso i disi tu Israel. Tabanon ni Israel ma angka halak na dung jungada manaban halahi jana parentaonna ma na unjung mamisat halahi.

JESAYA 33:1

Marjaya ma angka musunta! Manyamun do halahi jana manyegoi haru pe nian na hona samun halahi sanga disegoi. Tapi nada dapot halahi be hatiha laho mambaen songon i, halahi sandiri noma na hona samun dohot na dihianati.

1 KORINTUS 16:13

Antong jonggor ma hamu jana togu ma haporsayaanmunu. Angkon barani do hamu martindak jana sai margogo ma hamu.

HAKIM-HAKIM 10:7

Muruk ma Tuhan hara ni i tu halak Israel, gabe dipadiar Ia bangso Pilistin dohot bangso Amon markuaso tu halahi.

HAKIM-HAKIM 13:1

Mardosa ma mangulahi halak Israel tu Tuhan, jadi gabe dipadiar Tuhan ma halak Pilistin markuaso tu halahi opat pulu taon honokna.

1 SAMUEL 14:21

Angka halak Ibrani na maringanan di tano ni halak Pilistin dohot na dung mangihut tu tentara ni halahi, marbalik ma i jana marpungu tu si Saul dohot si Jonatan.

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?