1 SAMUEL 4:21 - BIBEL JAMITA NA DENGGAN

^21-22 Dibaen ia ma goar ni dakdanak i si Ikabod, angke didok ia, “Ma mago hasangapan ni Debata na marmulia i sian Israel,” – anggo maksudnia i ma paboa na dung dirampas musu do Poti Parjanjian i jana amangborunia dohot halaklahinia pe madung jumolo monding. Jadi hara ni i ma didok ia, “Madung mago hasangapan ni Debata na marmulia i sian Israel, angke madung hona rampas Poti Parjanjian ni Debata.”

1 SAMUEL 4:21 ပူးပေါင်းရင်းမြစ်များ

MASMUR 106:20

Ditulak halahi do Ho, Debata na godang, laho marsomba patung ni pahanan na manggagat duhut.

MASMUR 26:8

Huhaholongi do bagasMu ale Tuhan, inganan parmiananMu na gok hasonangan.

MASMUR 78:61

Dipadiar Ia songon i Poti ParjanjianNia i ditaban, gombaran ni kuaso dohot hasangapanNia dirampas musuna.

MASMUR 78:64

Jorbut do dibaen mamunu angka malimna, nada tarbaen tangis, angka na mabaluna i.

JEREMIA 2:11

Nada jungada sada bangso manggonti debatana haru pe i nian nada Debata na satutuna. Hape anggo bangsongKu ditulak do Au jana marsomba tu na so margogo mambaen bagi aha.

ANDUNG 2:1

Di bagasan murukNa do dibaen Tuhan, dilingkup Ia Sion dohot hagolapan. Hagodangan ni Israel na salangit i, madung disampakkon Ia tu portibi. Taran di parmuruk ni Tuhan, bagasNia na di Sion i pe nada diSia marhaporluan.

HOSEA 9:12

Tapi haru pe adong dakdanak na sorang jana na dipagodang-godang, buatonKu do halahi; sahalak pe nada Hupaloas mangolu. Marjaya ma hamu ale bangso Israel, muda jabat Hutadingkon hamu!”

1 SAMUEL 14:3

Malim na maroban efod si Ahiya do, anak ni si Ahitub; i ma anggi ni si Ikabod. Si Ikabod anak ni si Pinehas, jana si Pinehas anak ni si Eli, malim ni Tuhan na di Silo.) Rayat i pe nada adong na umboto na kehe si Jonatan sian i.

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

1 SAMUEL 3:12

Di ari i padalanonKu ma sude ancamanKu sian na parjolo lalu tu na parpudi maradopkon horong ni si Eli.

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.