1 SAMUEL 4:2 - BIBEL JAMITA NA DENGGAN

² Dipajolo tentara ni Pilistin i ma mangaroro jana dung mur hebat parporangan i, talu ma tentara ni Israel jana mate ma hira-hira opat ribu halak di galanggang parporangan i.

1 SAMUEL 4:2 ပူးပေါင်းရင်းမြစ်များ

ANDUNG 3:40

Denggan ma da hita tangkasi ngolunta jolo, jana mulak ma hita tu Tuhan Debatanta.

HAMALIMON 26:37

Marlojong ma hamu martomboman na sada tu na sada nari, hatiha so adong na mangayak, jana nada adong gogomunu marporang mangalo sanga musu aha pe.

BILANGAN 14:45

Jadi ro ma halak Amalek dohot halak Kanaan na maringanan disi mangalo halahi pataluhon halak Israel jana diayak halahi lalu tu Horma.

JOSUA 7:12

On ma dalanna umbaen na so tahan halahi mangadopi musu i. Sumurut pe halahi dibaen musu i harana na dung didabu do uhuman tu halahi sandiri anso dironcohon. Nada dongananKu be hamu anggo so dironcohon dope angka barang na so sibuaton i.

1 SAMUEL 17:21

Patongtang ma tentara ni Pilistin dohot tentara ni Israel jana hobas be laho marporang.

1 SAMUEL 17:8

Maradian ma si Goliat na mardalan i lalu marsurak ma ia tu tentara ni Israel i, “Na mahua do hamu disi? Na giot marporang dehe hamu? Au ma sada halak Pilistin, jo hamu angka hatoban ni si Saul! Pili hamu ma sahalak sian hamu na puluk marporang mangalo au.

1 SAMUEL 4:1

Di hatiha i marporang ma bangso Israel mangalo halak Pilistin. Jadi gabe maju ma tentara ni Israel tu galanggang parporangan; marbandar di lambung ni Eben-Haeser ma halahi, tapi anggo tentara ni Pilistin i marbandar di Afek.

1 SAMUEL 4:10

Dung i marporang ma halak Pilistin i marsitutu jana ditaluhon halahi ma halak Israel. Marlojong ma halahi tu bandarna be. Hataluan godang do i: tolu pulu ribu hona bunu tentara ni Israel.

1 SAMUEL 4:3

Dung mulak angka tentara na malua i tu parbandaranna, didok angka pamimpin ni Israel ma, “Biasi ulaning dipadiar Tuhan talu hita dibaen halak Pilistin sadari on? Beta, tabuat ma Poti Parjanjian ni Tuhan sian Silo, jana taoban tuson, anso ra Tuhan mandongani hita dohot paluahon hita sian musu i.”