1 SAMUEL 4:19 - BIBEL JAMITA NA DENGGAN

¹⁹ Di hatiha i topet denggan pamatang ni parumaen ni si Eli, na nibuat ni si Pinehas, jana donok noma hatihana laho hipas. Di na nibegenia na dung hona rampas Poti Parjanjian ni Debata i, jana amangborunia dohot halaklahinia pe madung marujung ngoluna, ompot ma hancit songon na giot diapi dihilala ia, nada sadia honok antong hipas ma ia.

1 SAMUEL 4:19 ပူးပေါင်းရင်းမြစ်များ

PAMUNGKAAN 3:16

Jadi didok Debata ma tu dadaboru i, “TambaonKu ma hasusaanmu di hatiha denggan pamatangmu, dohot hahancitanmu di na giot manubuhon dakdanak. Tapi haru pe songon i laing tongtong noma sai ro rohamu tu halaklahimu, jana anso dioloi ho halaklahimu.”

PAMUNGKAAN 35:17

Dompak di hahancitanna dihilala ia, didok bidan i ma tusia, “Ulang ho mabiar da Rahel, laing halaklahi do anakmon.”

1 RAJA-RAJA 14:1

Jadi marnyae ma hatiha i anak ni si Jerobeam, na margoar si Abia.

MASMUR 78:64

Jorbut do dibaen mamunu angka malimna, nada tarbaen tangis, angka na mabaluna i.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

1 SAMUEL 4:18

Di na nibaritahon ni bayo i taringot tu Poti Parjanjian i, tinggang ma si Eli singgalak sian karosina i di lambung ni pintu horbangan i. Hara ni tobangnia boti mokmok gabe maponggol ma rungkungnia di na madabu i jana mate ma ia. Madung opat pulu taon honokna dipimpin ia Israel.

1 SAMUEL 4:20

Saotik nari noma anso marujung ia di na nidok ni angka dadaboru na manolong ia, “Sobar ma ho! Halaklahi do anakmon!” Haru songon i pe nada dialusi ia i, sanga diparate-atehon ia.