1 SAMUEL 4:18 - BIBEL JAMITA NA DENGGAN

¹⁸ Di na nibaritahon ni bayo i taringot tu Poti Parjanjian i, tinggang ma si Eli singgalak sian karosina i di lambung ni pintu horbangan i. Hara ni tobangnia boti mokmok gabe maponggol ma rungkungnia di na madabu i jana mate ma ia. Madung opat pulu taon honokna dipimpin ia Israel.

1 SAMUEL 4:18 ပူးပေါင်းရင်းမြစ်များ

MASMUR 26:8

Huhaholongi do bagasMu ale Tuhan, inganan parmiananMu na gok hasonangan.

MASMUR 42:10

Magopu rohangku hara ni pangincahi ni musu i. Sai torus do sapa-sapa halahi, “Di dia ma he Debatami?”

MASMUR 42:3

Arian na borngin sai tangis do au, hum ilu-ilu noma balanjongku. Ari-arion do sai sapa-sapa musungku, “Di dia ma he Debatamu?”

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

HAKIM-HAKIM 15:20

Dua pulu taon honokna si Simson mamimpin halak Israel di hatiha na nirajaan ni halak Pilistin halahi.

1 SAMUEL 4:13

Topet do juguk di karosi di topi dalan i si Eli matondo mangarsakkon haluaan ni Poti Parjanjian ni Tuhan i. Di na nibaritahon ni bayo i na dung talu Israel, mangangguhi ma gogo sude halak na di kota i.

1 SAMUEL 4:17

Dialusi sioban barita i ma, “Maporus do halak Israel sian halak Pilistin; bahat sajo do na mate! Anakmu na dua i pe, amang, si Hofni dohot si Pinehas, marujung do. Jana dirampas musu i do Poti Parjanjian ni Debata!”

1 SAMUEL 4:19

Di hatiha i topet denggan pamatang ni parumaen ni si Eli, na nibuat ni si Pinehas, jana donok noma hatihana laho hipas. Di na nibegenia na dung hona rampas Poti Parjanjian ni Debata i, jana amangborunia dohot halaklahinia pe madung marujung ngoluna, ompot ma hancit songon na giot diapi dihilala ia, nada sadia honok antong hipas ma ia.