1 SAMUEL 4:12 - BIBEL JAMITA NA DENGGAN

¹² Marlojong ma sahalak Marga Benyamin sian galanggang parporangan i tu Silo jana laing di na sadari i do ia lalu disi. Jana songon tanda ni arsak ni roha, disibak-sibak ia pakeannia jana dibaen ia tano di ulunia.

1 SAMUEL 4:12 ပူးပေါင်းရင်းမြစ်များ

2 SAMUEL 1:2

ancogotna i ro ma sada doli-doli sian parbandaran ni si Saul. Songon na marsiluluton, disibakkon ia do pakeannia jana dibaen ia tano di ulunia. Kehe ma ia mandapotkon si Daud jana manungkap di jolonia.

2 SAMUEL 13:19

Dung i disaburkon si Tamar ma abu tu ulunia, disibak ia baju jubania i, jana kehe ma ia diholipi ia bohinia dohot tangannia dua-dua lalu tangis-tangis.

2 SAMUEL 15:32

Di na lalu si Daud tu ambubu ni dolok i, tu inganan paribadatan ni halak tu Tuhan, dialo-alo dongannia na burju ma ia, i ma si Husai halak Arki. Masibak do pakean ni si Husai jana ulunia pe dibaen abuan.

NEHEMIA 9:1

Tanggal dua pulu opat laing di bagasan bulan i, marlagut ma halak Israel. Puaso ma halahi laho patuduhon manyosal halahi di angka dosa ni halahi. Madung asing halahi sian sude halak na asing. Songon tanda ni na marsak, mamake abit goni do halahi jana dipambaeni halahi ma tano tu ulu ni halahi. Dung salpu i jongjong ma halahi mangoku sude dosa ni halahi dohot dosa ni angka ompu ni halahi.

JOB 2:12

Tapi di na nitatap ni halahi ia sian na dao dope, jabat do giot so ditanda halahi be ia. Tangis ma halahi gogo jana disibakkon halahi ma pakean ni halahi lalu diparsampakkon halahi ma abu tu ginjang dohot tu ulu ni halahi.

JEREMIA 26:6

Anggo laing tong do hamu manangkang, baenonKu do bagas paribadatan on songon na Hubaen tu Silo, lopus sandok bangso na satano on mamake goar ni Jerusalem on gabe bura.”

JEHESKIEL 24:26

Di ari na patulusonKu songon i, ro ma sada halak na tarbaen paluahon dirina sian hamagoan i jana paboaonna ma barita i tu hamu.

JEHESKIEL 27:30

Ditangisi halahi bagianmi humolos jana lungun mangandungi. Disampakkon halahi abu tu uluna jana margiling di abuan tanda ni arsakna.

JOSUA 7:6

Songon i noma arsak ni si Josua dohot angka pamimpin ni Israel jabat disibak-sibak halahi pakean ni halahi jana sadari i lopus tu borngin sai manungkap ma halahi di jolo ni Poti Parjanjian ni Tuhan marsibaen abuan tu ulu ni halahi be tanda ni siluluton i.