1 SAMUEL 4:10 - BIBEL JAMITA NA DENGGAN

¹⁰ Dung i marporang ma halak Pilistin i marsitutu jana ditaluhon halahi ma halak Israel. Marlojong ma halahi tu bandarna be. Hataluan godang do i: tolu pulu ribu hona bunu tentara ni Israel.

1 SAMUEL 4:10 ပူးပေါင်းရင်းမြစ်များ

2 SAMUEL 18:17

Dung i diangkat ma bangke ni si Absalom i jana diambungkon ma tu bagasan sumur na bagas di harangan i. Ditimbun halahi ma sumur i dohot batu lopus gincat. Maporus ma sude tentara ni Israel tu bagasna be.

2 SAMUEL 18:7

Talu ma pasukan ni Israel i dibaen parangan ni si Daud; godang sajo do hataluan i, dua pulu ribu halak na mate di na sadari i.

2 SAMUEL 19:8

Dung i jongjong ma raja i jana haruar, lalu juguk di lambung ni pintu horbangan i. Tarbege ma tu angka parangannia na disi ia, dung i marroan ma halahi sude mangadop. Jadi anggo tentara ni Israel madung maporus jana marmulahan tu bagasna be.

2 SAMUEL 20:1

Di kota Gilgal adong ma sada bayo panggaori si Seba goarna. Anak ni si Bikri do i sian Marga Benyamin. Dompak na ro angka na mangudurkon si Daud, dipalu si Seba ma sarune jana manggora-gora ma ia, “Nada adong parsambunganta dohot si Daud. Tu ahanta ma mangihutkon ia? Jo hamu halak Israel, beta mulak be hita!”

1 RAJA-RAJA 12:16

Disi diida rayat i na so ra raja i manangihon na nidok ni halahi, marsurak ma halahi, “Pardulinta i si Daud dohot pomparanna i! So na adong dibaen i tu hita sanga na aha. Beta, mulak hita, halak Israel on! Tapadiar ma si Rehabeam mangurus dirina sandiri!” Gabe mangalo ma halak Israel

1 RAJA-RAJA 22:36

Marayak lusut ma mataniari diparentahon ma anso marmulahan tentara ni halak Israel tu kota dohot tu luatna be,

2 RAJA-RAJA 14:12

Talu ma pasukan ni si Amasia, marmulahan ma sude parajuritnia tu bagasna be.

2 JUJUR TAON 13:17

Godang do antong hataluan na nibaen ni si Abia dohot pasukannia i di halak Israel; lima ratus ribu parajurit na dumenggan mate.

2 JUJUR TAON 25:22

Ditaluhon ma tentara ni Juda jana lari ma angka parajuritna i marmulahan tu bagasna be.

MASMUR 78:9

Marsinjatahon pana dohot sior do Marga Efraim, maporus dompak marporang.

JEREMIA 7:12

Tu Silo ma hamu kehe, kota na Hutodo narobi gabe inganan paribadatan tu Au. Ligi hamu ma sanga songon dia na Hubaen maradopkon kota i hara ni dosa ni bangsongKu Israel.

HAMALIMON 26:17

Au do alomunu, gabe ditaluhon hamu jana halak na mangkagigihon hamu, gabe mangkuasoi hamu. Gok biar ma hamu, gabe marlojong hamu haru so adong mangayak-ayak.

PANGARATAION 28:15

“Tapi muda nada dioloi ho Tuhan Debatamunu, jana nada setia ho patuluskon sude parenta dohot uhumNia na hulehen tu ho sadari on, gabe ampe ma tu ho bura na songon on:

PANGARATAION 28:25

Muda nada dioloi ho Tuhan Debatamu, pamonangonNia ma angka musumunu mangalo ho. Porangonmunu ma halahi sian sada dalan, tapi maporus ma ho masarsar tu pitu dalan. Gaor ma sude bangso na satano on muda diida halahi na masa tu ho.

1 SAMUEL 3:11

Dung i didok Tuhan ma tusia, “Giot baenonKu na jorbut maradopkon Israel, lopus dut roha ni sandok na umbegesa.

1 SAMUEL 4:2

Dipajolo tentara ni Pilistin i ma mangaroro jana dung mur hebat parporangan i, talu ma tentara ni Israel jana mate ma hira-hira opat ribu halak di galanggang parporangan i.