1 SAMUEL 31:8 - BIBEL JAMITA NA DENGGAN

⁸ Sadari dung parporangan i, ro ma halak Pilistin laho mangarampas angka bangke i. Dapot halahi ma bangke ni si Saul dohot anakna na tolu i payak di Dolok Gilboa.

1 SAMUEL 31:8 ပူးပေါင်းရင်းမြစ်များ

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 1:21

O angka Dolok Gilboa, tangihon pamiongku: Ulang jabat bornok ho baenon ni ombun dohot udan! Gumonan hiang marigang ladang dohot padang. Angke disi ma antong madabu onding-onding ni na barani. Dohot parince ni si Saul pe ma pola haraton, nada be dimiahi.

1 JUJUR TAON 10:8

Sadari dung porang i, marroan ma halak Pilistin laho mangarampasi angka bangke i, jana dapot halahi ma bangke ni si Saul dohot anakna na tolu i payak-payak di Dolok Gilboa.

2 JUJUR TAON 20:25

Jadi kehe ma si Josafat rap dohot anak buania i mangarampas barang-barang ni musu i. Dapot halahi ma bahat pahan-pahanan, parlengkapan, pakean dohot angka barang sigodang arga na asing. Dung dipalagut halahi angka barang-barang i tolu ari lolotna, laing bahat dope barang-barang na asing, gabe tarpaksa ditadingkon noma.

1 SAMUEL 28:4

Jadi di na marlagut tentara ni Pilistin jana marbandar di lambung ni kota Sunem, si Saul pe antong dipalagut ia ma halak Israel jana marbandar di Dolok Gilboa ma halahi.

1 SAMUEL 31:7

Jadi dung dibege angka halak Israel na maringanan di bariba ni Rura Jisreel dohot na di Habincaran ni Batang aek Jordan na maporus palua dirina tentara ni Israel, jana si Saul pe dohot angka anaknia madung mate, markehean ma halahi manadingkon kotana lalu maporus muse. Dung i marroan ma halak Pilistin tu angka kota i jana diingani halahi ma i.

1 SAMUEL 31:9

Diponggol ma ulu ni si Saul jana dirampas halahi ma angka sinjatana i. Dung i disuru halak Pilistin ma utusan na maroban ulu ni si Saul i dohot baju porangna i tu sude Luat Pilistin laho palalu barita na denggan tu rayat dohot tu debata ni halahi.