1 SAMUEL 31:7 - BIBEL JAMITA NA DENGGAN

⁷ Jadi dung dibege angka halak Israel na maringanan di bariba ni Rura Jisreel dohot na di Habincaran ni Batang aek Jordan na maporus palua dirina tentara ni Israel, jana si Saul pe dohot angka anaknia madung mate, markehean ma halahi manadingkon kotana lalu maporus muse. Dung i marroan ma halak Pilistin tu angka kota i jana diingani halahi ma i.

1 SAMUEL 31:7 ပူးပေါင်းရင်းမြစ်များ

HAMALIMON 26:32

Maronco ma luatmu sude, pola tarsonggot angka musumu na marnida i hara ni bahat ni na maronco i.

HAMALIMON 26:36

Angkon tarbuang do hamu muse tu luat na leban, baenonKu habiaran tu hamu pola tehe hum umbege sora ni bulung-bulung na niombus ni haba-haba pe gabe mabiar hamu. Gabe marlojong ma hamu songon na diayak di parporangan, martinggangan ma hamu di hatiha so adong musu humaliang hamu.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

HAKIM-HAKIM 6:2

Jana hara ni gogona halak Midian i, markehean ma halak Israel martabuni tu angka liang dohot tu angka inganan na asing na aman di angka dolok.

1 SAMUEL 13:6

Dung i dipungka halahi ma mangaroro marsitutu mamorangi halak Israel, jabat do tarsosak situtu halak Israel. Deba sian halahi martabuni ma di gua dohot di liang ni dolok sanga di rigang ni batu mamak, sanga di bagasan sumur dohot di lubang ni tano,

1 SAMUEL 13:7

adong muse ma i na manaripari Batang aek Jordan lalu masuk tu Luat Gad dohot Gilead. Anggo si Saul laing di Gilgal dope, jana anggo rayat na mangihutkon ia ma humitir mabiar.

1 SAMUEL 31:6

Songon i ma parmate ni si Saul, anaknia na tolu i dohot sude anak buania dohot doli-doli i di na sadari i.

1 SAMUEL 31:8

Sadari dung parporangan i, ro ma halak Pilistin laho mangarampas angka bangke i. Dapot halahi ma bangke ni si Saul dohot anakna na tolu i payak di Dolok Gilboa.