1 SAMUEL 31:6 - BIBEL JAMITA NA DENGGAN

⁶ Songon i ma parmate ni si Saul, anaknia na tolu i dohot sude anak buania dohot doli-doli i di na sadari i.

1 SAMUEL 31:6 ပူးပေါင်းရင်းမြစ်များ

2 SAMUEL 1:1

Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

2 SAMUEL 1:12

Mangangguhi ma halahi, tangis jana marpuaso lopus borngin salaho tu si Saul dohot tu si Jonatan dohot di halak Israel, bangso ni Tuhan i, angke bahat sajo do antong na mate di parporangan i.

1 JUJUR TAON 10:6

Jadi mate ma si Saul dohot anakna na tolu i jana i ma ujung ni harajaannia.

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 11:15

Jadi gabe kehe ma halahi sude tu Gilgal jana diojakkon ma si Saul di inganan paribadatan i gabe raja. Dihaulkon halahi ma haul pardengganan jana dipestahon si Saul ma parasmian i dohot sude bangso Israel.

1 SAMUEL 12:17

Pio-pio ma au tu Tuhan, jana haru pe logo ni ari di hatiha on, paroon ni Tuhan ma ronggur dohot udan na gabe songon alus ni tangiangki. Di ombas i, torang ma botoonmunu na godang do hape dosamunu maradopkon Tuhan hara ni na mangido sada raja hamu.”

1 SAMUEL 12:25

Tapi muda sai dipupu hamu do mambaen dosa, mago do hamu dohot rajamunu.”

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.

1 SAMUEL 28:19

PasahatonNia ma ho dohot Israel tu halak Pilistin. Ancogot marlagut ma ho dohot angka anakmi rap dohot au; salang tentara ni Israel i pe sudena pasahaton ni Tuhan ma i tu halak Pilistin.”

1 SAMUEL 31:5

Jadi dung diida doli-doli i na dung marujung ngolu ni si Saul, ia pe dibuat ia ma podangnia sandiri jana dionyakkon ia ma dirinia tu podangna i lalu mate di lambung ni si Saul.

1 SAMUEL 31:7

Jadi dung dibege angka halak Israel na maringanan di bariba ni Rura Jisreel dohot na di Habincaran ni Batang aek Jordan na maporus palua dirina tentara ni Israel, jana si Saul pe dohot angka anaknia madung mate, markehean ma halahi manadingkon kotana lalu maporus muse. Dung i marroan ma halak Pilistin tu angka kota i jana diingani halahi ma i.