1 SAMUEL 31:4 - BIBEL JAMITA NA DENGGAN

⁴ Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.

1 SAMUEL 31:4 ပူးပေါင်းရင်းမြစ်များ

2 SAMUEL 1:1

Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

2 SAMUEL 1:14

Didok si Daud ma, “Na puluk ma ho antong mamunu raja na nipili ni Tuhan!”

2 SAMUEL 1:20

Ulang nian habotoan i di angka halak na di Gat. Sai ulang habegean di angka banjar na di Askelon barita i. Ulang jabat dadaboru ni Pilistin marsurahi Ulang sanga angka boru ni na so marsunat marsurak manggorai.

2 SAMUEL 1:6

Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

2 SAMUEL 17:23

Dung diida si Ahitofel na so diihutkon hatania i, dipasang ia ma palano ni halodenia, lalu mulak ma ia tu kotania sandiri. Dung dipasidung ia sude urusannia, manyingkot ma ia lalu ditanom di kuburan ni halahi sahorong.

2 SAMUEL 21:12

kehe ma ia mambuat holi-holi ni si Saul dohot si Jonatan sian halak Jabes na di Gilead. (Na ditangko ni halahi do holi-holi i sian alaman godang ni kota na di Bet-San, disi do inganan panggantungan ni angka bangke i hian dibaen halak Pilistin dung talu si Saul dibaen halahi di Dolok Gilboa.)

1 RAJA-RAJA 16:18

Disi diida si Zimri na dung dirampas kota i, masuk ma ia tu bagas godang, disurbu ia ma bagas godang i dohot ia, gabe mate ma ia.

1 RAJA-RAJA 16:27

Barita na asing salaho tu si Omri dohot sude halobiannia madung disuratkon di Buku Sejarah Ni Raja-raja Israel.

1 JUJUR TAON 10:4

Jadi didok si Saul ma tu doli-doli na maroban sinjatania i, “Sintak ma podangmi! Tiham ma au! Ulang jabat dipargonjak-gonjakkon halak kapir i au.” Tapi nada ra doli-doli i mambaen songon i hara ni biarnia, jadi dibuat si Saul sandiri ma podangnia i, ditinggangkon ia ma dirina tu podang i.

HAKIM-HAKIM 14:3

Tapi dialusi amangnia dohot inangnia i ma, “Biasi lakna angkon sai tu halak Pilistin na so saugamo i dohot hita ampal kehe laho mambuat boru? Adong he na so adong be lakna sian marganta sandiri sanga sian tonga-tonga ni bangsonta sada boru na tumbuk?” Dialusi si Simson ma tu amangnia i, “Tapi boru Pilistin i do por ni rohangku. Jana giotku disapai amang ma i di au.”

HAKIM-HAKIM 9:54

Diompoti si Abimelek ma mamiohon doli-doli na mamorsan sinjatania i jana didok ia ma, “Sintak ma podangmi jana bunu ma au; nada ra au muda adong na mandok bahaso na dibunu ni dadaboru au.” Gabe ditiham doli-doli i ma ia lopus mate.

1 SAMUEL 14:6

Jadi didok si Jonatan ma tu doli-doli i, “Beta tu benteng ni Pilistin kapir i. Betak na tolongan ni Tuhan do hita. Angke tarlehen Tuhan do hamonangan, marhite bahat halak bope marhite na saotik halak.”

1 SAMUEL 17:26

Dung i marsapa ma ia tu angka halak na jongjong donok tusia, “Aha ma he upa sijagiton ni halak na mamunu halak Pilistin i dohot na manyesa habilean sian Israel?” Ise do lakna halak Pilistin si pelebegu on na barani mangalapi tentara ni Debata na mangolu i.

1 SAMUEL 17:36

Na dung hubunu do singa sanga pe gompul, jana sarupa ma bagian ni halak Pilistin si pelebegu i songon angka binatang i, dibaen na dung barani ia mangalo-alo tu tentara ni Debata na mangolu i.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.

1 SAMUEL 31:5

Jadi dung diida doli-doli i na dung marujung ngolu ni si Saul, ia pe dibuat ia ma podangnia sandiri jana dionyakkon ia ma dirinia tu podangna i lalu mate di lambung ni si Saul.