1 SAMUEL 31:1 - BIBEL JAMITA NA DENGGAN

¹ Laing di hatiha i marporang do halak Pilistin mangalo halak Israel di Dolok Gilboa. Bahat do halak Israel na mate disi, jana angka na tinggal i kehe ma maporus.

1 SAMUEL 31:1 ပူးပေါင်းရင်းမြစ်များ

2 SAMUEL 1:21

O angka Dolok Gilboa, tangihon pamiongku: Ulang jabat bornok ho baenon ni ombun dohot udan! Gumonan hiang marigang ladang dohot padang. Angke disi ma antong madabu onding-onding ni na barani. Dohot parince ni si Saul pe ma pola haraton, nada be dimiahi.

2 SAMUEL 1:6

Dialusi ia ma, “Topet do au di Dolok Gilboa, jadi huida ma si Saul sande di tombaknia, hape angka kareta dohot tentara ni musu na markudo ma mur donok manghobuk ia.

2 SAMUEL 4:4

Adong do pahompu ni si Saul, i ma anak ni si Jonatan, na matimpang. Harana di na lalu barita taringot tu hamamate ni si Saul dohot si Jonatan sian kota Jisreel, diompa parorot i ma ia, jana marlojong tapi hara ni mopopna anakboru i, madabu ma dakdanak i jana gabe matimpang ma. Si Mefiboset do goar ni dakdanak i.

1 SAMUEL 12:25

Tapi muda sai dipupu hamu do mambaen dosa, mago do hamu dohot rajamunu.”

1 SAMUEL 28:1

Dung adong sadia honok diarahon halak Pilistin ma tentarana laho marporang mangalo Israel, jana didok si Akhis ma tu si Daud “Tontu mangarti do ho i, na angkon marporang ho dohot paranganmi di pihakku.”

1 SAMUEL 28:15

Dung i mangkuling ma si Samuel tu si Saul, “Biasi gangguonmu au? Biasi dipiohon ho au mangulahi?” Dialusi si Saul ma, “Ma puntol pikiranku hara ni na diporangi ni halak Pilistin, hapengani na dung ditadingkon Debata au. Nada dialusi ia be au, sanga na markite-hite angka panurirang, sanga marhite sian nipi. Jadi hara ni i na mangelek-elek ma au tu ho amang, anso paboa sanga aha noma sibaenonku.”

1 SAMUEL 28:19

PasahatonNia ma ho dohot Israel tu halak Pilistin. Ancogot marlagut ma ho dohot angka anakmi rap dohot au; salang tentara ni Israel i pe sudena pasahaton ni Tuhan ma i tu halak Pilistin.”

1 SAMUEL 28:4

Jadi di na marlagut tentara ni Pilistin jana marbandar di lambung ni kota Sunem, si Saul pe antong dipalagut ia ma halak Israel jana marbandar di Dolok Gilboa ma halahi.

1 SAMUEL 29:1

Dipalagut halak Pilistin ma sude tentarana di Afek, jana halak Israel marbandar di lambung ni mual na di Rura Jisreel.