1 SAMUEL 30:8 - BIBEL JAMITA NA DENGGAN

⁸ Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”

1 SAMUEL 30:8 ပူးပေါင်းရင်းမြစ်များ

PAMUNGKAAN 14:16

Laing dapot si Abram dope barang na nirampas ni musu i. Dioban ia muse ma si Lot dohot sude sinadongannia songon i muse angka dadaboru bope angka na tartangkup na asing i.

2 SAMUEL 5:19

Marsapa ma si Daud tu Tuhan, “Angkon poranganku dehe ulaning halak Pilistin i? LehenonMu do hamonangan di au?” Alus ni Tuhan, “Alo ma! Hulehen pe hamonangan di ho!”

2 SAMUEL 5:23

Dipangido si Daud ma muse panogu-noguon sian Tuhan. Dialusi Tuhan ma, “Ulang alo halahi sian on, tapi dalani ma mamutar jana sian pudi ma alo halahi, di lambung ni harangan ni gaboro i.

MASMUR 50:15

Muda ro hasusaan, pio-pio ma ho tu Au paluaonKu ma ho, jana pujionmu ma Au.”

MASMUR 91:15

Muda pio-pio ia tu Au, alusanKu ma ia. Dompak masa hasusaan, urupanKu do ia, paluaonKu jana lehenonKu ma hasangapan disia.

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

BILANGAN 27:21

Angkon marsapa do si Josua tu si Eleasar jana sapaan ni si Eleasar ma hagiotKu marhite na mamake Urim. Marhite na songon i ma si Eleasar mamimpin si Josua dohot sude bangso Israel di sude parkaro na ro tu halahi.”

HAKIM-HAKIM 20:18

Kehe ma halak Israel tu inganan paribadatan na di Betel, lalu disapai halahi ma tu Debata, “Horong ni marga dia do sian hami angkon na parjolo situtu kehe mamorangi halak Benyamin?” Dialusi Tuhan ma, “Marga Juda.”

HAKIM-HAKIM 20:23

Kehe ma halak Israel tu inganan paribadatan, lalu tangis disi tu Tuhan. Disapai halahi ma, “Tuhan, angkon ulahannami dope kehe mamorangi angka kahangginami halak Benyamin i?” Dialusi Tuhan ma, “Olo, maju ma.”

HAKIM-HAKIM 20:28

jana si Pinehas anak ni si Eleasar, pahompu ni si Harun do na markarejo gabe malim. Jadi marsapa ma rayat i tu Tuhan, “Tuhan, angkon laing kehe dope hami mamorangi angka kahangginami halak Benyamin i, sanga na angkon antahonanmi do porang on?” Dialusi Tuhan ma, “Pajolo hamu ma mamorangi halahi! Ancogot lehenonKu ma hamonangan di hamu.”

HAKIM-HAKIM 8:4

Laing di hatiha i lalu ma si Gideon dohot anak buania sitolu ratus halak di bariba ni Batang aek Jordan. Ma loja sajo halahi nian tapi laing torus dope mangkojar musu.

1 SAMUEL 10:22

Jadi sapa-sapa ma angka jolma i tu Tuhan, “O Tuhan, na dung dison dehe halakna i?” Dialusi Tuhan ma, “Martabuni do ia di balik ni barang-barang.”

1 SAMUEL 14:37

Lalu marsapa ma si Saul tu Debata, “Tola dehe au mangaroro halak Pilistin? PasahatonMu dehe halahi tu tangan ni Israel?” Hapengani nada dialusi Debata ia di ari i.

1 SAMUEL 23:2

Dung i disapai ia ma tu Tuhan, “Angkon kehe dehe au mangalo halak Pilistin i?” ning ia. “Olo,” ninna Tuhan mangalusi, “Alo ma halahi jana palua ma Kehila.”

1 SAMUEL 23:4

Jadi gabe mangido panogu-noguon ma si Daud mangulahi sian Tuhan, jana dialusi Tuhan ma, “Ulang gamang hamu! Roro hamu ma tu Kehila, harana giot pasahatonKu do tentara ni Pilistin i tu hamu.”

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.

1 SAMUEL 30:18

Tulus do tarpalua si Daud sasude na dung dirampas ni halak Amalek i, dohot ma disi dadaborunia na dua halak i;

1 SAMUEL 30:19

bagi na aha nada adong na mago. Sude dakdanak halaklahi dohot dadaboru dohot sude barang na hona rampas na nibuat ni halak Amalek i, dibuat si Daud mangulahi.