1 SAMUEL 30:26 - BIBEL JAMITA NA DENGGAN

²⁶ Di na mulak si Daud tu Ziklag, ditongoskon ia ma deba sian barang na dirampas i tu angka pamimpin ni Juda na adong di angka kota inganan haimbar-imbarannia dohot parangannia, didok ia ma, “On ma silua di hamu sian barang na hona rampas na hami buat sian musu ni Tuhan.”

1 SAMUEL 30:26 ပူးပေါင်းရင်းမြစ်များ

PAMUNGKAAN 33:11

Na mangido ma au, anso laing jagitonmu somba-somba na huoban on di ho. Madung dihaholongi Debata au jana dilehen di au sanga aha na porlu di au.” Sai torus ma disosoi si Jakob lopus dijagit si Esau ujungna silehen-lehen i.

2 SAMUEL 1:1

Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

2 RAJA-RAJA 5:15

Kehe ma ia rap dohot dongannia sauduran i mangulahi mandapotkon si Elisa jana didok ia ma, “Saonnari huboto ma, hum sada do Debata di na satano on sude, i ma Debata na nisomba ni halak Israel; hara ni i, sai jop ma roha ni tuan i manjagit silehen-lehenkon.”

MASMUR 35:27

Sai marjop ni roha ma nian sanga ise na marpor ni roha mida au nipatigor. Sai mulak-ulak ma nian didok halahi, “Na godang ma da antong Tuhan! GiotNia anso dapotan haluaan ma nian naposoNa i.”

MASMUR 68:18

Manaek ma Ia tu inganan na gincat mardongan sahala, bahat do dioban Ia angka na tartaban; jana dijagit Ia do silua somba-somba sian angka jolma, jana dohot sian angka pangalo, anso maringan. halahi rap dohot Tuhan Debata.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

2 KORINTUS 9:5

I ma umbaen na porlu huhilala marsuru angka donganta on mandapotkon hamu parjolo laho paturehon angka pangurupion na nijanjihonmunu i. Jadi muda ro au sanoli on, madung singkop nian sude silehen-lehenmunu i. Jadi tarida ma na sian burju ni rohamunu do na mangalehen i, nada hara ni na tarpaksa.

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”

1 SAMUEL 25:27

Dijagit tuan i ma silua na huoban on di tuan i, jana dibagihon tuan i ma on, di parangan ni tuan i.

1 SAMUEL 25:28

Anju ma jolo hahurangankon. Angke tuan i dohot pomparan ni tuan i do baenon ni Tuhan gabe raja di Israel, angke na marporang di Tuhan do antong tuan i; jana nada tompuon ni hajahatan tuan i salolot mangolu.

1 SAMUEL 30:20

Tamba ni i, laing dirampas si Daud dope sude biri-biri dohot pahan-pahanan. Diiring parangan ni si Daud ma sude angka pahan-pahanan i di jolo ni sude barang na hona rampas i. Didok halahi ma, “On ma taban-taban ni si Daud!”

1 SAMUEL 30:25

Dung i dibaen si Daud ma i gabe sada aturan, jana dipadalan do i di Israel lopus saonnari.