1 SAMUEL 30:22 - BIBEL JAMITA NA DENGGAN

²² Tapi sian tonga-tonga ni parangan ni si Daud i na dohot mangihutkon ia adong do na jahat jana na mangiburu. Didok halahi, “So na dohot angka jolma on, jadi nada tola halahi manjagit sanga aha sian barang na hona rampas on. Hum anak ni halahi sajo ma dohot dadaboru ni halahi na tola buaton ni halahi.”

1 SAMUEL 30:22 ပူးပေါင်းရင်းမြစ်များ

1 RAJA-RAJA 21:10

Suru hamu ma dua halak na jahat juguk di jolonia jana ditudu ma ia na mamurai Debata dohot raja. Dung i oban hamu ma ia tu balian ni kota jana nidangguran ma ia dohot batu lopus mate.”

1 RAJA-RAJA 21:13

Juguk ma dua halak na jahat adop si Nabot, jana dituhas halahi na dua ma si Nabot di jolo ni halak na bahat i na dung mamurai Debata dohot raja. Jadi hara ni i ma dalanna dioban ia tu balian ni kota lalu didangguri dohot batu lopus mate.

MATEUS 7:12

Baen ma tu halak na asing, sanga aha por ni rohamu baenon ni halahi tu hamu. Songon i ma impola ni angka Tona dohot hata ni angka panurirang.”

PANGARATAION 13:13

mandok adong piga-piga halak na jahat sian bangsomunu na mangaliluhon halak pangisi ni hutana i laho marsomba angka debata na so nisombamunu hian dope na saidanna i.

HAKIM-HAKIM 19:22

Dompak marsonang-sonang halahi, tompu ma dihobuk angka jolma na so ture na di kota i bagas i. Diburbari halahi ma pintu ni bagas i jana didok halahi ma tu na tobang-tobang i, “Pasahat tu hami bayo na niobanmi martamu tu bagasmi. Giot pakeonnami ia!”

1 SAMUEL 22:2

Songon i muse angka halak na hona pisat dohot angka na marutang dohot na so puas pangkilalaanna mardomu ma tu si Daud jana si Daud ma gabe pamimpin ni halahi. Adong ma hira-hira opat ratus halak na mangihutkon si Daud.

1 SAMUEL 25:17

Antong ditimbang nyonya i ma pangalaho on, jana diputuskon hamu ma sanga aha na tarpatupa hamu. Angke ro ma halahi mamaloskon tu tuan i dohot tu sude pangisi ni bagasna. Songon i ma jogal ni roha ni tuan i, na so ra do manangihon sanga na ise pe!”

1 SAMUEL 25:25

Ulang dipikirkon tuan i si Nabal, jolma na so hasaya i! Jolma na bodo i – laing songon goarna i. Na so huida do angka utusan na nisuru ni tuan i.

1 SAMUEL 30:21

Dung i mulak ma si Daud tu sidua ratus halak na so tarbaen i be mangihutkon ia hara ni lojana, jana na nitadingkonnia di topi ni Batang aek Besor i. Dialo-alo halahi ma si Daud dohot parangannia i, jana didapotkon si Daud ma halahi laho manjalangisa.

1 SAMUEL 30:23

Tapi dialusi si Daud ma, “Hamu angka donganku, ulang baen hamu na songon i taringot tu bagi aha na nilehen ni Tuhan di hita! Inda he na dung dijagohon Ia hita jana dilehen Ia hamonangan maralohon pangarampasi i?