1 SAMUEL 30:17 - BIBEL JAMITA NA DENGGAN

¹⁷ Di na laho torang ari ancogotna i, diroro si Daud ma halahi jana marporang ma lopus borngin. Asing ni siopat ratus halak doli-doli na maporus mangalombut unto, sahalak pe nada adong na malua musu i.

1 SAMUEL 30:17 ပူးပေါင်းရင်းမြစ်များ

2 SAMUEL 1:1

Dung jumolo si Saul, di na mulak ma si Daud sian parporangan manaluhon halak Amalek, jana tinggal ia dua ari di Ziklag,

2 SAMUEL 8:12

I ma angka bangso Edom, Moab, Amon, Pilistin dohot Amalek, laing songon i dohot barang rampasan na nibuatnia sian si Hadadeser.

2 RAJA-RAJA 7:5

Jadi dung mamungka samon ari, kehe ma halahi tu parbandaran ni halak Siria i, hape umpe sahalak diida halahi disi.

1 JUJUR TAON 4:43

Dibunu halahi ma halak Amalek na tinggal i lalu hot ma halahi maringanan disi lopus tu sadari on.

MASMUR 18:42

Hududa halahi songon lamot ni abu na marhabangan, hudege-dege halahi songon bustak di dalan.

JEREMIA 41:15

Tapi luncat do anggo si Ismael dohot dongannia salapan halak jana gilo ma halahi tu tano Amon.

HAKIM-HAKIM 4:16

Dikojar si Barak ma angka kareta porang dohot pasukan ni musu i lopus tu Haroset-Hagoyim lalu dibunu ia sude pasukan ni si Sisera i; umpe sahalak dipadiar mangolu.

HAKIM-HAKIM 7:12

Marserak do sap di rura i halak Midian, Amalek dohot angka halak na sian parhorsihan i, songon dia ma siapor na marrongom idaon. Unto ni halahi pe santak bahatna, songon horsik na di topi ni laut idaon.

1 SAMUEL 11:11

Ancogotna i, manyogot-nyogot, dibagi tolu si Saul ma angka parangannia i. Jana painte so bincar mataniari diroro halahi ma tu tonga-tonga ni parbandaran ni parangan Amon i mamorangi halahi. Painte so kotu, madung dibunui halak ni si Saul musu i. Halak Amon na sanga malua masarsar be ma i lopus nada adong tarbaen mardua-dua rap marlojong.

1 SAMUEL 15:3

Antong, kehe ma ho jana porangi ma halak Amalek i jana segohon ma sandok arta ni halahi. Ulang adong tadingkon sanga na aha pe; bunu sude halaklahi, dadaboru, dakdanak dohot na baru sorang; lombu, biri-biri, unto dohot halode.”