1 SAMUEL 30:16 - BIBEL JAMITA NA DENGGAN

¹⁶ Dung i dipatuduhon ia ma tu halahi dalan tu inganan ni garombolan i. Marserak do di hatiha i garombolan i di sude inganan i, angka mangan, minum dohot marpesta godang do halahi hara ni bahatna barang na hona rampas na nibuat ni halahi sian Luat Pilistin dohot Juda.

1 SAMUEL 30:16 ပူးပေါင်းရင်းမြစ်များ

2 SAMUEL 13:28

Diparentahon ia ma tu angka naposonia songon on, “Parate-atehon hamu denggan, muda dung mabuk si Amnon hara ni na minum anggur, hulehen pe tandana, bunu hamu ma ia. Ulang mabiar hamu. Au sandiri do na martanggung jawab di pangalaho on. Ulang ganggu-ganggu rohamunu tapi baen hamu mardongan habaranion!”

1 JUJUR TAON 4:43

Dibunu halahi ma halak Amalek na tinggal i lalu hot ma halahi maringanan disi lopus tu sadari on.

JOB 20:5

hamogaan ni parjahat parsantongkinan do da, jana hasonangan ni na so ture hum sangkinidop mata?

MASMUR 119:162

Baga-bagaMu mambaen jop ni rohangku, songon halak na dapotan harto.

HARURUAR 32:6

Jana ancogotna i sogot dope dipelehon halahi ma haul situtungon dohot haul pardamean; jadi juguk ma bangso i mangan dohot minum, dung i jongjong ma halahi manortori.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 9:3

Tuhan, dilehen Ho do jop ni roha godang, padumpangkon halahi tu na torang. Hara ni denggan ni rohaMu marmoga-moga halahi, songon halak na marjop ni roha di na palagutkon suha ni karejona sanga di na marbagi taban.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

JOSUA 22:8

Dung i didok si Josua ma songon on, “Saonnari mulak ma hamu dohot maroban bahat sinadongan, bahat pahan-pahananmunu, bahat perak, sere, tumbaga dohot bosi jana bahat pakean. Antong, silehenonmunu do sanga aha na nirampasanmunu sian angka musumunu i tu angka dongan samargamunu.”

HAKIM-HAKIM 8:11

Dijujur si Gideon ma parbatasan ni parhorsihan na di Habincaran ni Nobah dohot Jogbeha lalu ompot ma musu i diserang ia.

1 SAMUEL 30:14

Na kehe do hami mamorangi Luat Kreti na di Selatan ni Juda dohot Marga Kaleb, jana hami surbu do Ziklag.”

1 SAMUEL 30:15

Dung i disapai si Daud ma tusia, “Ra do ho patuduhon dalan tu au tu inganan ni garombolan i?” Alusnia, “Ra do au, asalkan ma marjanji tuan i mangasahon goar ni Debata, paboa na so bunuon ni tuan i au sanga pasahaton ni tuan i au tu tuanku humani.”