1 SAMUEL 30:14 - BIBEL JAMITA NA DENGGAN

¹⁴ Na kehe do hami mamorangi Luat Kreti na di Selatan ni Juda dohot Marga Kaleb, jana hami surbu do Ziklag.”

1 SAMUEL 30:14 ပူးပေါင်းရင်းမြစ်များ

2 SAMUEL 8:18

si Benaya anak ni si Joyada; i ma panglima pangawal ni raja; dohot angka anak ni si Daud, i ma gabe malim di bagas godang.

1 RAJA-RAJA 1:38

Dung i dipajuguk si Zadok, si Natan, si Benaya dohot sude pangawal ni raja i ma si Salomo tu halode ni raja i lalu ditogu halahi tu mual ni Batang aek Gihon.

1 RAJA-RAJA 1:44

Si Zadok, si Natan dohot si Benaya maradu pangawal ni raja i disuru mangudurkon si Salomo. Madung dipajuguk halahi ia tu halode ni raja i.

JEHESKIEL 25:16

Hara ni i pabotohononKu ma paboa na giot serangonKu noma angka halak Pilistin jana abiskononKu halahi. BunuonKu sandok jolma na maringanan di luat na di topi ni laut di tano Pilistin.

ZEPANYA 2:5

Marjaya ma hamu angka pangisi ni Topi Laut, hamu bangso Kreti! Maradopkon hamu ma hata ni Tuhan on, ale Kanaan tano ni halak Pilistin! AbiskononKu noma ho, lopus nada adong be pangisimu.

JOSUA 14:13

Jadi gabe tumbuk ma di roha ni si Josua di si Kaleb anak ni si Jefunne i, lalu dilehen ia ma tusia kota Hebron gabe bagiannia.

JOSUA 15:13

Hombar tu parenta ni Tuhan tu si Musa, dilehen ma deba luat ni Juda tu si Kaleb anak ni si Jefunne na sian Marga Juda. Dilehen disia Hebron, i ma kota ni si Arba, amang ni si Enak i.

JOSUA 21:12

Tapi angka kobun dohot kota na humaliang ni angka kota i, madung dilehen tu si Kaleb anak ni si Jefunne gabe ia nampunasa.

1 SAMUEL 25:3

Goarnia i ma si Nabal – si Abigail do goar ni dadaborunia. Na malo do si Abigail boti jeges. Hape anggo si Nabal, kasar do tabiatnia, jana jatjat do pangalahona. Sian horong ni si Kaleb do ibana.

1 SAMUEL 30:1

Dung dua ari, mulak ma si Daud dohot parangannia i tu Ziklag. Dung lalu disi, didapot halahi ma na dung mangaroro halak Amalek tu Juda Selatan dohot mamorangi Ziklag.

1 SAMUEL 30:13

Dung i disapai si Daud ma tusia, “Ise do tuanmu jana na sian dia do ho?” Dialusi dakdanak i ma, “Anggo au halak Mesir do, hatoban ni halak Amalek. Na ditadingkon ni tuanku do au tolu ari na salpu hara ni na marnyae au.

1 SAMUEL 30:15

Dung i disapai si Daud ma tusia, “Ra do ho patuduhon dalan tu au tu inganan ni garombolan i?” Alusnia, “Ra do au, asalkan ma marjanji tuan i mangasahon goar ni Debata, paboa na so bunuon ni tuan i au sanga pasahaton ni tuan i au tu tuanku humani.”

1 SAMUEL 30:16

Dung i dipatuduhon ia ma tu halahi dalan tu inganan ni garombolan i. Marserak do di hatiha i garombolan i di sude inganan i, angka mangan, minum dohot marpesta godang do halahi hara ni bahatna barang na hona rampas na nibuat ni halahi sian Luat Pilistin dohot Juda.