1 SAMUEL 30:12 - BIBEL JAMITA NA DENGGAN

¹² songon i kue ara dohot dua kue kismis. Dung mangan, mulak ma ia margogo; hape antong na so mangan do ia dohot minum tolu ari ma lolotna!

1 SAMUEL 30:12 ပူးပေါင်းရင်းမြစ်များ

ESTER 4:16

“Palagut ma sude halak Jahudi na di Susan anso martangiang salaho tu au. Ulang ma hamu mangan tolu ari tolu borngin lolotna. Au sandiri pe dohot angka bujing-bujing na mangoloi au laing puaso do. Dung sidung i, mangadop ma au tu raja i, haru pe mangalanggar undang-undang do i. Muda angkon mate ma au hara ni i, padiar ma mate au tusi!”

ANDUNG 1:11

Humolos humasusa halak kota i manjalahi bohalna; marsambar roti noma artana anso ulang jabat tos hosana. Tangis Jerusalem, “Ale Tuhan, ingot ma au, parrohahon ma sude pardangolanku.”

JUNUS 1:17

Jana di hatiha i diparo Tuhan ma sada ihan na godang mambondut si Junus. Jadi gabe tinggal ma si Junus di bagasan butuha ni ihan i tolu ari tolu borngin honokna.

MATEUS 27:63

Didok halahi ma, “On dope anso hami ingot tuan, taran mangolu pargabus i unjung do didok Ia songon on, ‘Dung tolu ari, mulak mangolu ma Au mangulahi.’

HAKIM-HAKIM 15:19

Jadi gabe dibuka Tuhan ma sada lubang di tano i, lalu ruar ma aek sian i. Minum ma si Simson, dung i sumuang ma gogonia dihilala ia. Jadi hara ni i ma umbaen digoari inganan i Mual Ni Batang aek Hakor. Laing di Lehi do mual ni aek i.

1 SAMUEL 14:27

Tapi anggo si Jonatan nada diboto ia na dung diancam ni amangnia do rayat i dohot bura; jadi disurduhon ia ma tungkot na niobannia i, jana disornomkon ia ma i tu asar ni loba i, lalu dibuat ia aerna i, dipangan ia. Manigor margogo ma dihilala ia.

1 SAMUEL 30:11

Di pardalanan i marsuo ma parangan ni si Daud i dohot sada dakdanak halaklahi ni Mesir di padang i, lalu dioban halahi tu si Daud. Hapengani ma pola tolu ari dakdanak i na so mangan dohot minum. Jadi dilehen halahi ma ia mangan dohot minum,

1 SAMUEL 30:13

Dung i disapai si Daud ma tusia, “Ise do tuanmu jana na sian dia do ho?” Dialusi dakdanak i ma, “Anggo au halak Mesir do, hatoban ni halak Amalek. Na ditadingkon ni tuanku do au tolu ari na salpu hara ni na marnyae au.