1 SAMUEL 3:6 - BIBEL JAMITA NA DENGGAN

⁶ Dung i dipio Tuhan i mangulahi si Samuel. Jadi gabe ngot ma ia lalu didapotkon ia ma si Eli jana disapai ia ma, “Ale amang, na he piopio ho di au?” Dialusi si Eli ma, “Nada hupiohon ho da amang; modom ma ho mangulahi.”

1 SAMUEL 3:6 ပူးပေါင်းရင်းမြစ်များ

PAMUNGKAAN 43:29

Disi diida si Josep si Benyamin angginia i, didok ia ma, “On ma he anggimunu sianggian na nidokmunu i tu au? Sai dipasupasu Debata ma da ho anakku,” ning ia.

2 SAMUEL 18:22

Tapi disosak si Ahimaas ma tu si Joab, “Sanga aha pe na tarjadi laing paloas ma au dohot paboahon barita.” “Biasi mamaksa-maksa ho kehe, anakku?” ning si Joab manyapai. “Inda na adong upa sijagitonmu hara ni i.”

MATEUS 9:2

Jadi ro ma halak maroban sada bayo na onyangon payak di podomanna. Di na niida ni Jesus godang ni haporsayaan ni halahi, ning Ia ma tu na onyangon i, “Papos ma rohamu, amang! Madung nisesa dosamu.”

1 SAMUEL 3:5

Dung i dilojong ia ma mandapotkon si Eli mandok, “Dison do au, dipio amang au.” Tapi dialusi si Eli ma, “Nada hupio ho, ulahi ma modom.” Lalu kehe si Samuel modom mangulahi.

1 SAMUEL 3:7

Nada ditanda si Samuel dope Tuhan i, bope hataNa nada jungada dope dibuka tusia.

1 SAMUEL 4:16

Didok bayo i ma tu si Eli, “Na malua do au sian parporangan i jana na maporus do au tuson sadari on.” Disapai si Eli ma tusia, “Bia do baritana, amang?”