1 SAMUEL 3:4 - BIBEL JAMITA NA DENGGAN

⁴ dipio Tuhan ma si Samuel gabe dialusi si Samuel ma, “Olo, amang!”

1 SAMUEL 3:4 ပူးပေါင်းရင်းမြစ်များ

PAMUNGKAAN 22:1

Dung adong sanga sadia honok diuji Debata ma haburjuon ni roha ni si Abraham; dipio Debata ma si Abraham, “Jo Abraham!” ninna. Jadi dialusi si Abraham ma, “Dison do au Tuhan!” ning ia.

PAMUNGKAAN 22:11

Tapi pio-pio ma surusuruan ni Tuhan sian langit tusia, “Jo Abraham, Abraham!” ninna. Dialusi si Abraham ma, “Dison do au Tuhan.”

MASMUR 99:6

Si Musa dohot si Harun do angka malimNia, si Samuel do sada na martangiang tuSia. Pio-pio do halahi tu Tuhan, jana dilehen Ia do alusna.

HARURUAR 3:4

Dung diida Tuhan si Musa donok tu inganan i, pio-pio ma Tuhan sian tonga-tonga ni ramba i, “Musa! Musa!” “Olo dison do au,” ning si Musa mangalusi.

JESAYA 6:8

Hubege muse ma Tuhan mandok hata, “Ise do sisuruonKu? Ise do na gabe sioban barita sian hita?” Jadi ningku ma, “Dison do au suru ma au!”

BAENON NI ANGKA RASUL 9:4

Gabe tungkap ma ia tu tano i jana dibege ia ma sada sora na mandok tusia, “Saulus, Saulus! Biasi diparkanciti ho Au?”

1 KORINTUS 12:28

Laing songon i do di bagasan parlagutan i, madung ditontuhon Debata do inganan ni angka dongan i: Parjolo angka rasul; paduahon angka panurirang; patoluhon angka guru, dung i baru ma angka na mambaen tanda hahomangan, dung i angka na manjagit kuaso laho pamalum halak, sanga laho mangurupi halak na asing, sanga mamimpin, sanga mangkobari di bagasan hata na marragam rupa na so niastuan.

1 SAMUEL 3:5

Dung i dilojong ia ma mandapotkon si Eli mandok, “Dison do au, dipio amang au.” Tapi dialusi si Eli ma, “Nada hupio ho, ulahi ma modom.” Lalu kehe si Samuel modom mangulahi.