1 SAMUEL 3:20 - BIBEL JAMITA NA DENGGAN

²⁰ Hara ni i ma dibaen na sude rayat na sian sandok luat i mangoku bahaso anggo si Samuel i sada halak, panurirang ni Tuhan do.

1 SAMUEL 3:20 ပူးပေါင်းရင်းမြစ်များ

2 SAMUEL 17:11

Jadi anggo au mandok songon on do: Palagut ma sude halak Israel sian Dan lalu tu Berseba, lopus songon horsik na di topi ni laut bahatna. Jadi daulat i sandiri ma mamimpin halahi marporang.

2 SAMUEL 3:10

i ma papindahon harajaon sian horong ni si Saul jana pajongjongkon harajaan ni si Daud di Israel dohot di Juda sian Dan lopus tu Berseba.”

1 RAJA-RAJA 4:25

Salolot di ngolu ni si Salomo, sonang jana dame do halak di tano Juda dohot Israel, ganop ripe adong be kobun anggurna dohot kobun hayu arana.

JEHESKIEL 33:33

Tulus do sude na nidokkonmu, jana muda dapot hatihana, botoon ni halahi ma, na dung jungada adong sada panurirang di tonga-tonga ni halahi.”

AMOS 2:11

Hupili do sian angka dakdanakmu gabe panurirang, dohot angka doli-dolimu gabe halak nasir. Nada he tutu songon i, ale halak Israel? Au Tuhan mandok songon i.

BAENON NI ANGKA RASUL 13:20

Opat ratus lima pulu taon honok ni i sudena. Dung sidung dibagi-bagi tano Kanaan i, dilehen Debata ma angka panguhum ni halahi, Panurirang Samuel ma panguhum na parpudi.

PANGARATAION 18:21

Muda didok rohamunu: Bia ma pambotonami di tona ni sada panurirang na marasal sian Tuhan sanga nada?

1 TIMOTEUS 1:12

Mandok tarimakasi do au tu Jesus Kristus Tuhanta i, na mangalehen gogo di au laho mangoloi Ia jana na mangetong au gabe songon sada halak haposan maniop karejo i.

HAKIM-HAKIM 20:1

Jadi marroan ma sude halak Israel sian Dan di Utara lopus tu Berseba di Selatan, dohot sian Gilead di Habincaran laho mangoloi pio-pio i. Marlagut ma halahi jana marsada di Mispa di adopan ni Tuhan.

1 SAMUEL 12:11

Dung i disuru Tuhan ma si Jerubaal (Gideon), dung i si Barak, dung i si Jefta jana ujungna au. Madung hami palua hamu sian musumunu, lopus tarbaen sonang ngolumunu.