Di hatiha i ro ma Raja Abimelek dohot si Pikol panglima ni tentarania tu si Abraham, didok halahi ma, “Sai didongani Debata do ho di sude na nikarejohonmu.
Ingot ma! Sai na dongananKu do ho jana ondihononKu sanga na tu dia pe ho kehe, jana obanonKu do ho mangulahi tu luat on. Nada tadingkononKu ho lopus Hupatulus sude sanga aha na Hujanjihon tu ho.”
“Pinuji ma Tuhan na dung mangalehen hasonangan tu bangsoNa songon na dung dijanjihonNia marhite si Musa naposoNa i. Sude janji i denggan do jana madung dipatulus Ia.
On ma tandana paboa na angkon tulus sandok na nipaboa ni Tuhan taringot tu pomparan ni si Ahab. Dipatulus Tuhan do sanga aha na nidokNia markite-hite naposoNia di Elia.”
DongananKu do ho di na mamolus aek na bagas, nada mayup ho mamolus angka batang aek; nada mosok ho muda mamolus api nada tutungon ni banggar ni api be ho.
Tapi Hupalalu do tahi ni angka naposongKu, songon i nang angka tahi ni suruanKu. Hupaboa do inganan ni pangisimu mangulahi Jerusalem jana pajegeson ma mangulahi angka kota luat ni Juda. Jongjong ma mangulahi angka kota na dung sego i.
laing songon i do hatangKu na haruar sian pamanganKu, nada mulak boti i tu Au; tapi patuluson ni i do hagiotKu, jana marlabo do i di bagasan aha na dung Husuruhon tusia.
“Denggan ma pamatang ni sada bujing-bujing, sorang ma sian ia sada anak halaklahi. Digoari ma Dakdanak i Immanuel.” (Di hata Ibrani, Immanuel astuanna “Debata do rap dohot hita”.)
Mur magodang ma anak ni si Zakaria i, tondinia pe mur margogo. Di halongonan do ia tinggal lopus dapot hatihana laho patidahon diri ia tu bangso Israel.
Ujungna hamu ale angka dongan! Sai marjop ni roha ma hamu jana margogo parayakkon na sanggam. Jagit hamu ma sude sipaingotki. Sai saroha ma hamu jana mardame-dame. Donganan ni Debata parholong jana pardame i ma hamu.
Muda manghobari sada panurirang mamake goar ni Tuhan, hape nada tulus masa na nidoknia i, nada sian Tuhan ro tona i. Sian goarna sandiri do manghobari panurirang i, jana ulang pola mabiar hamu tusi.”
Dung adong sadia honok muse, ditubuhon ripe ni si Manoah i ma sada anak halaklahi jana dibaen ia ma goarna si Simson. Mur magodang ma dakdanak i boti dipasupasu Tuhan;
Mamungka saonnari ia noma na mamimpin hamu. Anggo au madung matobang. Madung lolot sajo au mamimpin hamu – sian haposoonku dope lopus saonnari. Angka dakdanakku na dung magodangi i ma tandana.
Umbege i, didok sada halak hatobannia i ma, “Adong do anak ni si Isai na sian kota Betlehem na malo marmusik. Na barani do i jana sada parangan na burju. Boti muse na togap jana na malo mandok hata, jana didongani Tuhan do ia.”
Sai monang do si Daud marporang sanga na tu dia pe disuru si Saul ia kehe. Jadi hara ni i diangkat si Saul ma ia gabe pamimpin ni tentarana jana jop do roha ni sude parangan maradu angka hatoban ni si Saul mida si Daud.
Dialusi hatoban i ma, “Painte jolo! Adong do di kota on sada halak naposo ni Debata. Na sangap situtu do ia dibaen halak hara ni sude hatania na tutu situtu tarjadi. Beta ma hita tusi, betak na paboaonnia do tu hita sanga na di dia halode i.”