1 SAMUEL 3:18 - BIBEL JAMITA NA DENGGAN

¹⁸ Jadi dicaritohon si Samuel ma sudena tu si Eli. Sada pe nada adong na nirahasiahonnia. Dung i didok si Eli ma, “Tuhan do Ia, padiar ma dipatulus Ia sanga na aha giot ni rohaNia.”

1 SAMUEL 3:18 ပူးပေါင်းရင်းမြစ်များ

PAMUNGKAAN 18:25

Pasti do na so ra Ho mamunu angka halak na so marsala i rap dohot na marsala. Inda masuk di akal! Inda mungkin ra Ho mambaen songon i. Sugari sura dibaen Ho songon i, gabe sarupama angka halak na so marsala dohot na marsala. Hape nian matua na tigor do anggo Panguhum ni sandok na adong.”

2 SAMUEL 10:12

Papir ma rohamu! Dison ma tapatuduhon habaranion manghopkop bangsonta dohot manghopkop angka kota ni Debatanta. Sai dipatulus Tuhan ma sanga aha giot ni rohaNia.”

2 SAMUEL 15:26

Tapi anggo na so lomo be antong roha ni Tuhan i tu au, marguru di hagiotNia ma di au.”

2 RAJA-RAJA 20:19

Dialusi Raja Hiskia ma, “Denggan do Tona Ni Tuhan na nipasahatmu tu au.” Songon i didok ia alusnia, na diambangnia do na tongtong dame jana sonang harajaannia i salolot mangolu ia.

1 JUJUR TAON 19:13

Pos ma rohamu! Tapuntial ma gogonta na marporang on hara ni bangsonta dohot haporluan ni angka kota ni Debatanta. Sai dipatulus Tuhan ma nian sanga aha giotNia.”

JOB 1:21

“Nada adong bagi na ahangku di na nitubuhon au, jana mate pe au nada mardiha-diha. Madung dilehen Tuhan i sudena jana Ia muse do na mambuatsa. Nipuji ma goar ni Tuhan i!”

JOB 2:10

Dialusi si Job ma, “Songon halak na bodo do pangkulingmu! Bia do parjadi ni i hum na denggan sajo jagitonta sian Debata, hape muda na jat tulahonta?” Jadi, haru pe dibolus si Job sude sitaonon i, nada adong didok ia hata na mangalo Debata.

MASMUR 39:9

Hohom noma au, nada be dokkononku bagi aha, angke Ho na mambahen sitaononki.

HARURUAR 34:5

Mijur ma Tuhan di bagasan ombun, lalu jongjong di jolo ni si Musa jana digoari Ia ma goarNia na badia i, i ma Tuhan.

JESAYA 39:8

Dialusi Raja Hiskia ma, “Na denggan ma tutu Tona Ni Tuhan na nipalalumi tu au. Songon i pe alusnia, hara ni na didok rohania do, anggo tona i astuanna paboahon na hot do sonang harajaannia jana aman salolot di ngolunia.”

JEREMIA 34:6

Jadi hupalalu ma tona ni Tuhan i tu Raja Zedekia di Jerusalem

JEREMIA 38:14

Sanoli nari di hatiha na asing, disuru Raja Zedekia ma halak maroban au mangadop tusia di pintu patoluhon di Bagas Ni Tuhan. Didok ia ma tu au, “Na giot adong do sapaanku tu ho, jana angkon alusanmu do torang. Ulang buni-bunihon sanga na aha.”

JEREMIA 42:4

Hualusi ma, “Antong denggan ma i. Hujagit ma pangidoanmunu i. Hutangiangkon ma tu Tuhan Debatanta i jana sanga aha pe antong alusna, hupaboa pe tu hamu sudena; sada pe nada tola bunihononku tu hamu.”

ANDUNG 3:39

Biasi angkon sai holsoan hita muda diuhum hita hara ni angka dosanta?

HAMALIMON 10:3

Didok si Musa ma tu si Harun, “On ma pikiran ni Tuhan i di na nidokNia, ‘Sude halak na giot mangoloi Au angkon pasangaponna do Au angke sasada Au do Debata. Giot patuduhononKu hamuliaonKu tu bangsongKu.’ ” Tapi hohom do si Harun.

1 PETRUS 5:6

Hara ni i paserep hamu ma rohamunu di bagasan kuaso ni Debata, anso dipagincat Ia hamu muda dung dapot di hatihana.

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”