1 SAMUEL 3:14 - BIBEL JAMITA NA DENGGAN

¹⁴ Jadi marsumpa do Au hara ni i maradopkon horong ni si Eli, anggo dosa na lobi godang i nada tarsesa be i hara ni haul sanga na nihaulkon bagi aha pe.”

1 SAMUEL 3:14 ပူးပေါင်းရင်းမြစ်များ

MASMUR 51:16

Haul na nisambol nada tabo di pangkilalaanMu; sugari pe huhaulkon haul situtungon, nada jop rohaMu.

JESAYA 22:14

Dipataridahon Tuhan, Tuhan Na Markuaso i do diriNa tu au jana didok, “Sanga na bia pe nada Huampuni be anggo hajahatan ni halahi i, lopus mate be halahi. Tuhan, Tuhan Na Markuaso do mandok i.”

JEREMIA 15:1

Didok Tuhan ma tu au, “Indada ra Au maribo ni roha mida bangso on, haru pe jongjong dison si Musa dohot si Samuel mangido ibo ni roha sian Au tu halahi. Suru ma kehe bangso on; nada jop rohangKu paida-ida halahi.

JEREMIA 7:16

Didok Tuhan, “Ale Jeremia, ulang tangiangkon angka jolma on. Ulang mangido tolong sanga ditangiangkon ho salaho tu halahi: Ulang sosak-sosak Au angke nada ra Au manangihon pangidoanmi.

JEHESKIEL 24:13

Ale Jerusalem, angka pambaenanmu na so ture i, i do mambaen hodar ho. Madung Hucubo nian paias ho, hape nada adong gunana, angke torus do ho hodar. Nada be ra ho ias mangulahi lopus Hupalalu rimasKu tu ho.

HAMALIMON 15:31

Disuru Tuhan do si Musa paingotkon halak Israel anso diparate-atehon halahi sanga andigan halahi ramun jana andigan na so ramun, anso ulang gabe dipahodar halahi Bandar Parmianan Ni Tuhan na di tonga-tonga ni parbandaran ni bangso i. Muda dipahodar halahi Bandar Na Badia i, angkon bunuon halahi.

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.