1 SAMUEL 3:12 - BIBEL JAMITA NA DENGGAN

¹² Di ari i padalanonKu ma sude ancamanKu sian na parjolo lalu tu na parpudi maradopkon horong ni si Eli.

1 SAMUEL 3:12 ပူးပေါင်းရင်းမြစ်များ

JEHESKIEL 21:5

Jadi gabe botoon ni sude jolma ma Au do Tuhan, Husintak ma podangKu jana nada be pasarungonKu.’ ”

ZAKARIA 1:6

Tapi sude hata dohot angka paraturanKu na dung Huparentahon tu angka naposongKu, angka panurirang, nada he madung lalu i tu angka ompumunu?” Jadi muba ma roha ni halahi, jana ninna ma, “Songon Tuhan Na Markuaso na marsangkap mambaen pangalaho maradopkon hita, tudos tu na hita karejohon, songon i ma dibaen Ia pangalaho maradopkon hita.”

BILANGAN 23:19

Nada dos Debata dohot jolma na ringgas margabus, na momo muba pikiranna. Muda dung Dijanjihon Debata, sudena pasti Dipatulussa! Muda Ia mangkuling, sude angkon tarjadi!

LUKAS 21:33

Anggo langit dohot tano on mago do i, tapi anggo hatangKi indangkon na ra mago.”

JOSUA 23:15

Tapi songon partulus ni janjiNia i pasada-sada na denggan na dibaen Tuhan tu hamu, laing songon i muse do pastina dalankononNia ancamanNia pasada-sada tu hamu.

HAKIM-HAKIM 4:24

Mur honok mur disosak halak Israel ma raja i lopus mate ia ujungna.

1 SAMUEL 4:11

Dirampas musu i dope Poti Parjanjian ni Tuhan, jana anak ni si Eli na dua i, si Hofni dohot si Pinehas pe mate.

1 SAMUEL 4:17

Dialusi sioban barita i ma, “Maporus do halak Israel sian halak Pilistin; bahat sajo do na mate! Anakmu na dua i pe, amang, si Hofni dohot si Pinehas, marujung do. Jana dirampas musu i do Poti Parjanjian ni Debata!”

1 SAMUEL 4:21

Dibaen ia ma goar ni dakdanak i si Ikabod, angke didok ia, “Ma mago hasangapan ni Debata na marmulia i sian Israel,” – anggo maksudnia i ma paboa na dung dirampas musu do Poti Parjanjian i jana amangborunia dohot halaklahinia pe madung jumolo monding. Jadi hara ni i ma didok ia, “Madung mago hasangapan ni Debata na marmulia i sian Israel, angke madung hona rampas Poti Parjanjian ni Debata.”